ASNN – Tirana, Apolonia dhe Partizani janë 3 prej ekipeve gjysmëfinaliste në veprimtarisë së dytë të futbollit të femrave në vend, Kupës së Shqipërisë, në këtë edicion të 15-të. Tirana kishte mbyllur thuajse gjithçka që në takimin e parë, pas fitores 16-0 ndaj Lushnjes. Sakaq, sfida e dytë mes myzeqareve dhe kryerqytetaseve ishte mjaft interesante, duke prodhuar jo vetëm gola, por edhe emocione.

Vajzat bardheblu fituan me rezultatin 4-3, duke kaluar kështu në gjysmëfinalen e Kupës së Shqipërisë. Pas triumfit të parë me goleadë, Apolonia bëri detyrën edhe dje, duke mundur Laçin me rezultatin 8-1 dhe duke kaluar kështu në gjysmëfinale. Në derbin kryeqytetas, Partizani nuk e diskutoi kualifikimin për në gjysmëfinale, duke mposhtur Kinostudion me shifrat 8-0.

Ndërkaq, ditën e diel ishte planifikuar të luhej edhe sfida Gramshi-Vllaznia, një ndeshje që nuk u zhvillua sepse ekipi shkodran nuk u paraqit në stadium. Komisioni i Disiplinës dhe Etikës në Federatën Shqiptare të Futbollit (FSHF) do të marrë vendimin për këtë ndeshje, nga ku do të dalë edhe gjysmëfinalisti i 4-t. Sakaq, sipas skemës së përcaktuar nga Departamenti i Garave në FSHF, janë njohur edhe çiftet gjysmëfinaliste të edicionit të 15-të të Kupës së Shqipërisë.

Kupa e Shqipërisë

Futboll – Femra

Çerekfinalet:

(14 janar 2024 – 21 janar 2024)

Tirana – Lushnja                  16-0

Lushnja – Tirana                    3-4

Vllaznia – Gramshi               2-0

Gramshi – Vllaznia               (Nuk u zhvillua)

Apolonia – Laçi                     11-1

Laçi – Apolonia                       1-8

Partizani – Kinostudio         2-0

Kinostudio – Partizani         0-8

Gjysmëfinalet:

Tirana – Partizani

Apolonia – Gramshi/Vllaznia