Kinostudio dhe Apolonia kanë luajtur “tenis” me kundërshtarët në ndeshjet e radhës së Kampionatit të 8-të Kombëtar të Futbollit për Femra. Kinostudio e ka pasur më shumë se sa të lehtë ta mundë Teutën. Që në pjesën e parë ka shënuar Myrtollari në minutën e 13-të dhe Cana në të 21-tën.

E kësisoj, 45-minutëshi i parë është mbyllur 2-0. Më pas, Kinostudio e ka hapur me gol pjesën e dytë përsëri me anë të Myrtollarit në minutën e 48-të. Ka thelluar Begallo në të 64-ën, Poçesta në të 75-ën dhe Lulaj në të 83-ën. Dhe goli i nderit për durrsaket ka ardhur në të 85-ën minutë, me anë të Gjergjit.

Rikthim tek fitorja për Kinostudion, e cila është ngjitur në kuotën e 10 pikëve, në vendin e 4-t të renditjes. Ashtu sikurse Kinostudio, edhe Apolonia ka luajtur “tenis” në Korçë, teksa ka fituar 6-0 me Skënderbeun e Stavrion Lakos, që nuk është më e njëjta skuadër si një vit më parë.

Faktet flasin vetë, ndërsa në 6 javë kampionat, Skënderbeu ka vetëm një fitore 2-1 me Dajtin dhe 5 humbje. Me 3 gola të shënuar dhe 54 të pësuar, që nuk i shkojnë për shtat projektit të ndërtimit të një Skënderbeu të madh edhe në futbollin e femrave, ku lëngon në vendin e parafundit.

Kinostudio – Teuta                           6-1

Shënues: Myrtollari 13’, 48’, Cana 21’,

Begallo 64’, Poçesta 75’, Lulaj 83’ / Gjergji 85’

Kinostudio: Noka, Kasa, Aliaj, Lulaj, Guta, Jova, Myrtollari, Pocesta, Begallo, Molla, Cana. Trajner: G. Gjonpalaj.

Teuta: Deda, Aliaj, Dedgjonaj (Hazizi 54’), Canga, Malaj (Gjergji 33’), Xhymerti, Hysa, Hoxha, Metalia, Çela, Gjeçi (Qerimi 57’). Trajner: A. Doraci

Gjyqtarë: F. Pjetrushi, E. Gjoka, D. Perndreca (Lezhë)

Kampionati i 8-të Kombëtar

i Futbollit – Femra

Java e 6-të

(26 nëntor 2016)

Të premten:

Kinostudio – Teuta              6-1

Dajti – The Door                   3-1

Skënderbeu – Apolonia     0-6

Vllaznia – Tirana AS           5-0

Të shtunën:

Juban Danja – Akademia AAS

Renditja

Nr.       Skuadra                     N.        F.         B.        H.        Gsh-Gp          Pikë

1. Vllaznia                     6          6          0          0          58-0                18
2. Apolonia                    6          5          1          0          24-2                16
3. Tirana AS                  6          4          1          1          27-8                13
4. Kinostudio                 6          3          1          2          39-9                10
5. Akademia AAS         5          2          1          2          21-14                7
6. Juban Danja             5          2          1          2          14-18                7
7. Teuta                          6          2          1          3          10-21                7
8. Dajti                            6          1          0          5            6-34                3
9. Skënderbeu              6          1          0          5            3-54                3
10. The Door 6          0          0          6            4-46                0