ASNN – Nis kampionati, korçaret mundën 3-0 Teutën në shtëpi, bindin tre blerjet nga Elbasani. Ndeshja e djeshme e luajtur në aneksin e stadiumit “Niko Dovana” të Durrësit ka pasur vetëm një ekip në fushë Skënderbeun, që përveç tre golave ka shpërdoruar raste pafund.

Ka goditur dy herë shtyllën dhe porta durrsake ka qenë me fat pasi rezultati duhet të ishte edhe më i thellë se 0-3. Pas goditjes së një tranverse nga ana e Valbona Popa, në të 29’ vjen edhe goli i parë i ndeshjes, teksa merita është absolutisht e sulmueses elbasanase.

Me raste të shumta të gjitha për Skënderbeun, por me avantazhin e një goli u mbyllën 45 minutat e para. E dyta ka filluar me të njëjtën pamje, ku korçaret vetëm sulmojnë dhe vendaset mbrohen. Duhet të vinte vetëm e 75-ta minuta që Shkëmbi të dyfishonte rezultatin në 0-2.

Të tretin do ta shënonte e njëjta lojtare Valbona Popa, 6-të minuta përpara fundit, ndërkohë që fjalët më të mira duhen thënë për Anjeza Popa, portieren që duket se do të “kyçë” portën e Skënderbeu dhe në fund 3-0.

Teuta – Skënderbeu                                                0-3

Shënuese: V. Popa 29’, 84’, Shkëmbi 75’

Teuta: Hazizi, Shpellza (Shpata 71’), Dedgjonaj, Canga, Xhymerti, Xheci (Çelanji 76’), Kërtusha, Hysa, Zotkaj, Qerimi, Çela. Trajner: A. Doraci

Skënderbeu: A. Popa, Shkëmbi, Demollari (Kullira 46’), Zizolli, Muçollari (Sula 46’), Zëre, Morava, Kasa, Myrtollari, M. Niçku, V. Popa. Trajner: S. Lako

Gjyqtare: F. Borova, G. Asllanaj, E. Uruçi (Shkodër)

Karton i verdhë: Canga

Kampionati Kombëtar

i Futbollit – Femra

Java e parë

(7 nëntor 2015)

Tirana AS – Juban Danja               4-2

Kinostudio – AAS                            17-1

Teuta – Skënderbeu                       0-3

Apolonia – The Door                       0-2

Dajti – Vllaznia                                 0-13

Renditja

Nr.       Skuadra         N.        F.         B.        H.        Gsh-Gp          Pikë

1. Kinostudio 1          1          0          0          17-1                3
2. Vllaznia 1          1          0          0          13-0                3
3. Skënderbeu 1          1          0          0          3-0                3
4. Tirana AS 1          1          0          0          4-2                3
5. The Door 1          1          0          0          2-0                3
6. Juban Danja 1 0          0          1          2-4                0
7. Apolonia 1          0          0          1          0-2                0
8. Teuta 1          0          0          1          0-3                0
9. Dajti             1          0          0          1          0-13              0
10. AAS 1          0          0          1          1-17              0