ASNN – Dëmtohet portierja Musa, e cila dërgohet në Spital. Rraklli nuk dorëhiqet nga ekipi: “Kushdo që të vijë nuk ka se çfarë të bëjë më shumë. Por në një të ardhme të shpejtë do të jem në futbollin e vërtetë.”
Shqipëria e futbollit të femrave është mundur edhe nga Kosova në “Elbasan Arena”, ndërsa dje është luajtur një ndeshje miqësore mes tyre jo vetëm për ditën e Pavarësisë të shtetit më të ri të Evropës, por dhe për t’i shërbyer kombëtares kuqezi për Eliminatoret e radhës në Evropian.
Ato që e kanë fituar këtë ndeshje kanë qenë kosovaret në shifrat 1-3, me një gol të Kryeziut dhe një dygolësh në pjesën e dytë të Rexhës. Ndërkohë për vajzat që drejtohen nga Rraklli, autorja e golit të vetëm ishte Behluli. Në përgjithësi ishin vajzat nga Kosova ato që dominuan në lojë dhe e merituan fitoren.
