ASNN – Pasi shkruan historinë duke drejtuar për herë të parë një ndeshje të Ligës së Kampioneve në futboll për femra, atë midis Benfikës dhe Barcelonës, gjyqtaret shqiptare Emanuela Rusta, Erinda Kume dhe Koleta Prenga shënuan të premten një tjetër gur kilometrik në arenën ndërkombëtare.
Emanuela Rusta si gjyqtare kryesore dhe Erinda Kume së bashku me Koleta Prengës si gjyqtare anësore, gjykuan ndeshjen miqësore të vajzave, Itali-Irlandë. Sfida e luajtur në stadiumin “Viola Park” të Firences përfundoi me rezultatin 0-0 dhe gjyqtaret shqiptare patën një paraqitje shumë të mirë.
Emanuela Rusta, Erinda Kume, Edjena Kapxhiu, Eglantina Pjetrushaj, Mirjeta Salla dhe Koleta Prenga janë gjyqtaret shqiptare të pajisura me stemën e FIFA-s, ndërsa në qershorin e vitit 2023 Rusta u bë arbitrja e parë femër e promovuar nga Komiteti i Gjykimit në UEFA, duke u ngjitur në kategorinë e parë.
Gjykimi në nivele të tilla dhe besimi i UEFA-s tregon edhe një herë tjetër rritjen e gjykimit shqiptar edhe në nivele të larta të skenës së futbollit europian e botëror dhe është një lajm i mirë për topkëmbëmbën shqiptare.
