FSHF / Shqipëria mirëpret turneun “UEFA Development” për Nën-16-vjeçarët

AlbanianSport.com 11/02/2024 18:00

ASNN – Federata Shqiptare e Futbollit (FSHF) mirëpret turneun “UEFA Development” për Nën-16-vjeçarët, marrin pjesë Shqipëria, Kosova, San Marino & Belizeja. Kështu, FSHF do të organizojë turneun evropian të grupmoshës së Nën-16-vjeçarëve “UEFA Development”. Ky turne do të zhvillohet në vendin tonë nga data 1, deri më 7 mars dhe të gjitha ndeshjet do të luhen në “Shtëpinë e Futbollit” në kryeqytet, siç njihet ndryshe selia e organizmit që qeveris futbollin në vend.

Përveç Shqipërisë së Nën-16-vjeçarëve, në këtë turne do të marrin pjesë edhe përfaqësueset e kësaj grupmoshe të Kosovës, San Marinos dhe Belizesë. “UEFA Development” është një turne zhvillimor që u jep mundësinë kuqezinjve të vegjël të masin forcat me bashkëmoshatarët e tyre dhe për ekipin e drejtuar nga trajneri Ardi Behari, ky turne do të jetë një mundësi shumë e mirë për të treguar vlerat në fushën e lojës.

Sa i përket kalendarit, ndeshjet e para të këtij turneu do të zhvillohen në datën 2 mars 2024 dhe takimi i parë i ditës së parë në “Shtëpinë e Futbollit” do të jetë ai San Marino-Kosova, që do të luhet duke nisur nga ora 11:30. Më pas, Shqipëria do të përballet me Belizen në takimin e dytë, që nis në orën 14:30. Ndeshjet e dyta të turneut “UEFA Development” për këtë grupmoshë do të zhvillohen dy ditë më pas, më datë 4 mars 2024.

Takimi i parë i ditës në “Shtëpinë e Futbollit” do të jetë Belize-San Marino, që luhet duke nisur nga ora 11:30, ndërsa Shqipëria dhe Kosova do të përballen së bashku në takimin tjetër, që nis në orën 14:30. Turneu “UEFA Development” për Nën-16-vjeçarët do të ulë siparin më datë 7 mars 2024 me ndeshjet e fundit. Sfida e parë në “Shtëpinë e Futbollit” do të jetë ajo Kosovë-Belize, që nis në orën 11:30, ndërsa Shqipëri-San Marino do të luhet duke nisur nga ora 14:30.

“UEFA Development”

për Nën-16-vjeçarët

Kalendari i ndeshjeve:

(Shtëpia e Futbollit)

San Marino – Kosovë 02.03.2024 ora 11:30

Shqipëri – Belize 02.03.2024 ora 14:30

Belize – San Marino 04.03.2024 ora 11:30

Shqipëri – Kosovë 04.03.2024 ora 14:30

Kosovë – Belize 07.03.2024 ora 11:30

Shqipëri – San Marino 07.03.2024 ora 14:30

Artikuj të tjerëFaqja Kryesore

	“Kënga e fundit e mjellmës”… një lamtumirë për 5 futbollistë kuqezi AlbanianSport.com 15/11/2024 23:40 ASNN – Për herë të fundit në ngjyrat kuqezi, 5 futbollistë i japin

	Kombëtarja / Suçek: Tirana na sjell kujtime të këqija, uroj t’i lëmë pas AlbanianSport.com 15/11/2024 23:05 ASNN – Ai do të përjetojë një natë të veçantë këtë të shtunë në “Arenën

	(Video) Kombëtarja / Kuqezinjtë mbyllin përgatitjet për sfidën çeke AlbanianSport.com 15/11/2024 22:30 ASNN – Liga e Kombeve, Kombëtarja mbyll përgatitjet në “Arenën Kombëtare”, gati për ndeshjen ndaj Çekisë. Kështu, Shqipëria e futbollit është gati për takimin e parë të nëntorit ndaj Çekisë, teska skuadra kuqezi, me në krye trajnerin Silvinjo, mbylli mbrëmjen e së premtes përgatitjet në Stadiumin “Arena Kombëtare” në kryeqytet. Sipas burimeve

	(Video) Kombëtarja / Silvinjo: Formacioni? Do të pres deri në fund AlbanianSport.com 15/11/2024 21:55 ASNN – Trajneri i Kombëtares, Silvinjo, tregoi edhe se si paraqitet

	Kombëtarja / Trajneri i Çekisë, Hashek: Synojmë gjithçka në Shqipëri AlbanianSport.com 15/11/2024 21:20 ASNN – Trajneri i Çekisë, Hashek: Synojmë maksimumin kundër