ASNN – Shqipëria do të luajë më 25 mars 2024 ndaj Suedisë në Stadiumin “Friends Arena” të Stokholmit, duke nisur nga ora 19:00, miqësoren e dytë për muajin mars. Dhe Federata Shqiptare e Futbollit (FSHF) ka dalë me një njoftim të rëndësishëm për tifozët.
FSHF-ja ka njoftuar të gjithë sportdashësit dhe tifozët e interesuar për të ndjekur miqësoren e kuqezinjve, do të kenë mundësi të blejnë bileta duke filluar nga datë 27 shkurt, duke nisur nga ora 10:00. Biletat do të jenë në shitje vetëm online.
Dhe linku do të jetë funksional për të gjithë sportdashësit shqiptarë në faqen fshf.org, duke nisur nga data 27 shkurt 2024. Miqësoren e parë të muajit mars Shqipëria do ta luajë ndaj Kilit, në stadiumin “Enio Tardini”, në Parma të Italisë, më 22 mars, duke nisur nga ora 20:45.
Për më shumë informacion rreth këtyre ndeshjeve dhe biletave, organizmi që qeveris futbollin në vend i fton tifozët ta ndjekin në ditët në vazhdim në kanalet e komunikimit masiv në rrjetet sociale dhe faqen e saj zyrtare në internet.
