ASNN – Federata Shqiptare e Futbollit (FSHF) njofton të gjithë tifozët se ka nisur shitja e biletave për ndeshjen Angli-Shqipëri, që do të luhet më datën 12 nëntor 2021, duke nisur nga ora 20:45, në stadiumin “Uembli” të Londrës, të vlefshme për Eliminatoret e Botërorit “Katar 2022”.
Departamenti i Komunikimit në FSHF ka bërë të ditur se shitja e biletave online do të nisë të shtunën (23 tetor 2021) dhe mund t’i gjeni në faqen zyrtare të organizmit që qeveris futbollin në vend në linkun përkatës (https://fshf.org/shop/). Gjithashtu, po në këtë link do të mund të gjeni edhe oferta speciale të përgatitura nga FSHF për tifozët tanë.
Me blerjen e një bilete ju mund të përfitoni me një çmim okazion edhe një bluzë të kombëtares shqiptare. Ndërkohë, në ditët në vazhdim FSHF do të udhëzojë tifozët përmes njoftimeve në kanalet zyrtare të komunikimit në faqen zyrtare dhe median sociale për mënyrën se si do të vijohet me shitjen e biletave fizike në dyqanin e FSHF-së në Tiranë.
