ASNN – Sipas një njoftimi zyrtar të Federatës Shqiptare të Futbollit, sot në Elbasan nuk do të ketë vetëm ndeshje të rëndësishme, por edhe një takim të rëndësishëm midis presidentëve të klubeve të Superiores dhe një delegacioni të FSHF-së, ku do të diskutohen hapat për krijimin e Ligës Profesioniste.

Ky takim do të zhvillohet sot në orën 18:30 në mjediset e Hotel “Univers” në Elbasan. Takimi do të jetë konsultativ ndërmjet presidenteve e drejtuesve te klubeve Superiores, për shkëmbim mendimesh dhe prezantim idesh për mënyrën e organizimit të klubeve e të kampionatit.

Të pranishëm në këtë takim do të jenë sekretari i FSHF-së, Ilir Shulku, dhe Zv/Presidenti Edvin Libohova.