ASNN – FSHF mori dje disa vendime për sezonin e ri të kampionateve të saj. Kështu, Kategorisë Superiore e Kampionatit Kombëtar të Futbollit do të fillojë më 22 gusht 2015 dhe të mbarojë më datën 21 maj 2016. Kategoria e Parë e Kampionatit Kombëtar të Futbollit do të nisë më datën 12 shtator 2015 dhe të mbarojë në datën 19 maj 2016.
Ndërkohë, Kategoria e Dytë e Kampionatit Kombëtar të Futbollit do të fillojë në datën 20 shtator 2015, dhe do të mbarojë më datën 19 maj 2016. Kupa e Shqipërisë do të fillojë rrugëtimin e saj më datën 28 gusht 2015 dhe do të mbarojë me finalen e madhe më datën 26 maj 2016.
Kurse Superkupa e Shqipërisë për edicionin e ardhshëm futbollistik, do të luhet në datën 17 gusht 2015 dhe do të shërbejë si ngritje zyrtare e siparit të sezonit të ri futbollistik. e Kampionatit Kombëtar të Futbollit i për grupmoshat Nën-17 dhe Nën-19-vjeç do të nisë më datë 30 gusht 2015 dhe të mbarojë më datë 15 maj 2016.
