ASNN – Është hedhur shorti i fazës së turit të 16-shes së “FSHF Cup”, veprimtarisë së futbollit amator në formatin 9×9, që organizohet nga Departamenti i Futbollit Amator në Federatën Shqiptare të Futbollit.
Shorti i hedhur në mjediset e “Shtëpisë së Futbollit”, siç njihet ndryshe selia e FSHF-së në kryeqytet, nga specialistë të këtij departamenti përcaktoi 8 sfidat e kësaj faze, që do të luhen duke nisur nga data 22 janar 2024.
Shorti ka rezervuar përballje mjaft interesante në këtë fazë, ku do të vihen përballë skuadrat nga grupet A dhe B në “FSHF Sunday League”, ndërsa në dy sfida shorti ka rezervuar kundërshtarë nga i njëjti grup.
Kryesuesja e grupit A në “FSHF Sunday League Albania”, skuadra e ATS-së do të përballet me skuadrën e Albamerit. Ndërsa kryesuesja e grupit B, Dajti, në këtë fazë të “FSHF Cup” do të përballet me skuadrën e grupit A, Big-Bite.
Ndeshjet e turit të 16-shes së “FSHF Cup”
ATS – Albamer
Raiffeisen Bank – Kastriotët
Al Ar – FC Luminesen
Coca Cola – IMMI
Big-Bite – FC Dajti
Dymbëdhjeta – FC Confucius
Ferraj FC – Jata Market
PRIMO MFC – Elso
