ASNN – Pilotët që konfirmojnë qëndrimin në skuadër dhe ata që largohen. Tendenca e konfirmimit të pilotëve nëpër skuadra, shumë kohë para përfundimit të një sezoni të Formulës 1, po konsolidohet. Rinovimet ose nënshkrimet e mes-sezonit që më parë befasonin me komunikimet e tyre i shpejtë, tani janë pjesë e një skenari që në vitin 2021. Kur kanë mbetur edhe 9 gara deri në përfundim të Botërorit 2021 të Formulës 1, skuadrat pjesëmarrëse kanë konfirmuar tashmë shumicën e pilotëve të tyre për sezonin e ardhshëm.
Do të ketë ndryshime, disa shumë të rëndësishme dhe që sapo janë shpallur, ndër të cilat imazhi i ri që do të ketë “Mercedes”, kampioni aktual, dallohet nga viti 2022 në garazhin e tij. Së pari, ishte “Alfa Romeo” ajo që konfirmoi ardhjen e Valteri Botasit në ekip dhe vetëm një ditë më vonë, njerëzit e Brekleit njoftuan se do të jetë Xhorxh Rasëll, shoku i ri i skuadrës së Ljuis Hemiltonit, i cili ka rinovuar për dy vjet të tjerë me “Mercedes”-in. Në rastin e ekipit të drejtuar aktualisht nga Frédéric Vasjp, ardhja e Valterit u motivua nga lamtumira që njoftoi Kimi Raikoneni.
Ndërsa Aleks Albon do të zërë vendin bosh që Rasëlli la tek “Uilliams”-i. Ai do të jetë shok skuadre me Nikolas Latifin. Në anën tjetër, Fernando Alonso gjithashtu ka zgjatur kontratën me skuadrën “Alpine”, të paktën edhe për një vit tjetër. Mbetet për t’u sqaruar vazhdimësia e Strollit si partneri i Sebastian Fetelit tek “Aston Martin” nga viti i ardhshëm. Edhe ardhja e mundshme e Mik Shumacher në garazhin e “Alfa Romeo” ose qëndrimi i tij te skuadra “Haas” ende duhet zgjidhur. Ndërsa mbeten të pandryshuara dyshet e pilotëve tek “MekLaren”-i dhe “Ferrari”.
