Kampioni në fuqi i botës në Formula 1, Ljuis Hemilton, por njëkohësisht dhe fituesi i garës së vitit të takuar në Çmimin e Madh të Japonisë në Suzuka, edhe pas problemeve që ka pasur javën e kaluar në Sepang të Malajzisë është shfaqur optimist. Ai, edhe pse është detyruar të largohet nga gara për shkak të shpërthimit në flakë të motorit, sërish deklaron se i pëlqen pista e Sepangut në Malajzi.

Dhe më tej do të vazhdonte: “Nuk mendoj më për garën e fundit, jam duke menduar për tjetër gjë. Humori është i mirë dhe nuk shoh tani të mendohem dy herë dhe të them pse duhet të zbresë në pistë. Është parashikuar kohë e mirë dhe nuk kam pse të mendoj se çfarë ka ndodhur, por duhet të mendoj përpara.” Hemiltoni, që kështu e ka hedhur pas krahëve atë që ka ndodhur të dielën e kaluar në Malajzi.

Ndërkohë, ai është duke projektuar garën e së dielës në Çmimin e Madh të Japonisë. Britaniku, tre herë radhazi fituesi i titullit Kampion Bote, është i bindur se do ta mbrojë këtë titull. “Nëse do të mund të jemi konkurrues si javën e kaluar dhe makina do të më shkojë mirë, atëherë gjithçka është e mundur, – ka thënë Hemiltoni. – Pista e Suzukës më pëlqen dhe në dy vitet e fundit kam fituar. Shpresojmë të korrim fitoren e 3-të.”