ASNN – Niko Rosberg, piloti i “Mercedes”-it, ka dominuar në Çmimin e Madh të Singaporit dhe tashmë ka marrë komandën në renditjen e përgjithshme botërore të “Formula 1”, që deri përpara kësaj gare e ka pasur shoku i skuadrës Ljuis Hamilton.
Po ky i fundit ka qenë dje i treti në “Marina Bej”, ndërsa është parakaluar nga Riçiardo. Një vend i katërt shumë i mirë i Raikonenit, ndërsa Fetel, i nisur nga fundi në start, me një rikuperim të jashtëzakonshëm arrin të vijë i 5-ti.
Kompletojnë dhjetëshën e parë Verstapeni, Alonso, Perezi, Kviati dhe Magnuseni. Rosberg, i nisur i pari në provat zyrtare, merr komandën. Menjëherë jashtë Hulkenberg, ndërsa Groszhon mbetet në “garazh”.
Gjermani, përtej probleme në frena në fund, kalon dhe Riçiardon dhe merr kështu suksesin e 22-të në karrierë, i teti sezonal.
