ASNN – Pesha minimale e një makine në Formula 1, për vitin 2020 do të shtohet me 1 kg. Këshilli Botëror i Federatës Botërore të Automobilizmit (FIA) ka aprovuar shtimin në peshë të makinës, që një javë para nisjes së garës për Çmimin e Madh të Australisë, kalon nga 745 kg aktuale, në 746 kg. Nuk bëhet fjalë për një vendim të orës së fundit, ashtu si mund të duket, është vetëm një vendim i unifikuar dhe i diskutuar prej kohësh që vjen në debutimin sezonal në Melbërn.
Në një kohë që skuadrat e kanë provuar këtë konfigurim të ri që në testet dimërore. Ndryshimi qëndron tek adoptimi i një matësi të dytë, të montuar në mënyrë të detyruar në serbatorin e makinave të Formulës 1. Bëhet fjalë për një sensor të aprovuar nga FIA që do të kontrollojë sasinë e karburantit, që të mos kalojë limitin e rregullores prej 100 kg/h dhe një regjim të motorit me 10.500 xhiro në minutë.
Pesha minimale përfshin atë të makinës dhe pilotit me veshje antizjarr. Në krahasim me vitin e kaluar, pesha rritet me 3 kg, dy janë shtuar sepse makinat e 2019-ës nuk e arrinin peshën minimale, dhe FIA ka dashur të evitojë që skuadrat të shpenzonin, pa qenë nevoja për të rikuperuar atë masë me një zgjidhje ekstreme. Shtimi në peshë i makinave moderne, bëjnë që ato të përmirësojnë paraqitjet e tyre nga viti në vit.
