ASNN – Pse Hamilton rinovon vetëm një vit me “Mercedes”-in? Kjo është kontrata më e shkurtër e kampionit, duke lënë pas shumë pikëpyetje për të ardhmen e tij. Ndërkohë, që “Ferrari” dhe “Red Bull”-i kanë nënshkruar me pilotët e tyre të rinj deri në vitin 2024. “Mercedes”-i zgjodhi Ljuis Hemiltonin për të luftuar për një titull tjetër botëror në 2021-shin. Në Formula 1, në fakt kontratat nënshkruhen rreth stinës së verës dhe ato publikohen më vonë, në dhjetor, por asnjëherë në vitin aktual.
Por çuditërisht rinovimi i kontratës së pilotit britanik u vonua prej këtij të fundit. E megjithë lajmin për nënshkrimin e një kontrate vetëm për një vit midis Hemiltonit dhe “Mercedes”-i, mund të themi se “telenovela” midis këtyre dy aktorëve nuk ka përfunduar ende. Sepse kjo marrëveshje midis pilotit dhe skuadrës, lë pa përgjigje dy pyetje: sa dhe pse nuk zgjidhet kontrata përtej vitit që fillon. Pyetja sa? Duket një kohë e shkurtër, një vit kontratë për një pilot që garanton fitore çdo fundjavë.
Kampioni është 36 vjeç, Raikonen kaloi 40 vjeç, Alonso po i afrohet të 40-ave, e të dy janë akoma në garë. Dihet që marrëveshja u vonua nga epidemia e virusit korona, por ishte edhe kërkesa ekonomike e pilotit. Sipas shtypit britanik, Hemiltoni kërkoi një rritje page në kulmin e rekordit të tij edhe pse ishte midis pilotëve më të paguar. E megjithë krizën e madhe që ka përfshirë gjithë sektorët industrialë në botë, ishte e pabesueshme që Hamilton do të kishte nënshkruar për më pak se 45 milion në vit.
E cila ishte paga e tij e mëparshme, kur ai ka fituar titullin e 7-të dhe ka thyer të gjitha rekordet e tjera të Mikael Shumakerit. Në një kohë që skuadrat e tjera, “Ferrari” apo “Red Bull”, u kanë besuar pilotëve të rinj, madje deri në 2024-ën, makina “Mercedes” i është besuar një kampioni që ka dyshime, kërkesa të paplotësuara, shumë interesa jashtë garës dhe një skuadër që nuk ofron rezistencë. Deri tani ata kanë luajtur një letër që askush tjetër nuk e kishte.
“Mercedes” ka makinën më të mirë. dhe, duke filluar me garën e parë të vitit, Çmimin e Madh të Bahreinit, më 28 mars 2021, do të shohim se kush do të bindë, makina apo piloti.
