ASNN – Gara e 16-të e këtij sezoni të Botërorit të Formulës 1, asaj që u zhvillua në pistën e Singaporit, u fitua nga Ljuis Hemilton. Në fakt, për të dytën garë radhazi, britaniku ka fituar një garë të cilën ai nuk pritej ta fitonte. Pasi ia kishte rrëmbyer nën hundë “Ferrari”-t Çmimin e Madh të Italisë, pilot i “Mercedes”-it dhuroi një tjetër paraqitje dominuese në Singapor, duke mposhtur sfidën e “Red Bull”-it të Maks Verstapenit dhe duke e rritur hendekun që e ndan në krye të renditjes nga ndjekësi më i afërt, Sebastian Feteli, i cili nuk shkoi dot më larg se vend ii 3-të.
Një aksident që në nisje të saj, një parakalim i zgjuar pak para daljes së në pistë të makinës së sigurisë, një strategji e gabuar e “Ferrari”-t dhe një strategji e zgjuar dhe e mirëllogaritur e “Red Bull”-it dhe, më pas, gjithçka përfundoi praktikisht ashtu siç nisi. Kjo do të ishte me pak fjalë përmbledhja e garës së 16-të të këtij sezoni të Botërorit të Formulës 1, asaj që u zhvillua në pistën e “Marina Bej” dhe u fitua nga Ljuis Hemilton. Në fakt, për të dytën garë radhazi, britaniku ka fituar një garë të cilën ai nuk pritej ta fitonte.
Pasi ia kishte rrëmbyer nën hundë “Ferrari”-t Çmimin e Madh të Italisë, pilot i “Mercedes”-it dhuroi një tjetër paraqitje dominuese në Singapor, duke mposhtur sfidën e “Red Bull”-it të Maks Verstapenit dhe duke e rritur hendekun që e ndan në krye të renditjes nga ndjekësi më i afërt, Sebastian Feteli, i cili nuk shkoi dot më larg se vend ii 3-të. Nën ndriçimin e 1,771 llambave elektrike të pistës së kësaj gare, që u soll për sportdashësit drejtpërdrejt nga Rrjeti i Radio-Televizionit Shqiptar, kampioni në fuqi i botës e shfrytëzoi me mjaft efektshmëri nisjen nga vend i parë.
Ndërsa brenda 3 kthesash, dy makinat e “Force India”-s u përplasën me njëra-tjetrën dhe Esteban Okoni e mbylli aty garën. Dhe me Fetelin që i vjedh vendin e dytë Verstapenit para futjes në garë të makinës së sigurisë. Por vendimi i “Ferrari”-t për ta thirrur gjermanin për një ndërrim gomash në xhiron e 14-të, rezultoi i gabuar, pasi Feteli jo vetëm që nuk arriti t’i afrohej Hemiltonit, por humbi edhe vendin e dytë kundrejt holandezit të “Red Bull”-it.
Dhe pavarsisht një përpjekjeje të Verstapenit për t’i rrëmbyer britanikut të “Mercedes”-it vendin e pare gjatë parakalimit të makinave më të ngadalta, Hemiltoni korri fitoren e 69-të në karrierë, duke marrë 25 pikë kundrejt 15 pikëve të Fetelit dhe duke e çuar në plot 40 pikë epërsinë në krye të renditjes së pilotëve. Pas gjermani të “Ferrari”-t, 10-shen e të parëve e plotësoi Valteri Botas, Kimi Raikonen, Daniel Riçiardo, Fernando Alonso, Karlos Sainz, Sharl Lëklërk dhe Niko Hulkenberg.
