ASNN – Federata Ndërkombëtare e Automobilizmit (FIA) ka vizituar së fundmi një kompleks në Afrikën e Jjugut, pasi pista në Kjalami mund të përfshihet në kalendarin e vitit 2023. Kjo u mësua pasi Një delegacion nga organizmi që qeveris automobilizmin botëror do të vizitojë pistën Kjalami për të vlerësuar nëse aty mund të bëhet një garë e Formulës 1.
Nëse pista e Afrikës së Jugut i plotëson kushtet ajo mund të përfshihet që në kalendarin e vitit 2023, plot 30 vjet pas mbajtjes për herë të fundit të një gare atje. Ndërkaq, mësohet se sezoni i Formulës 1 në të ardhmen mund të zgjerohet në 30 Çmime të Mëdha, me garat e reja të planifikuara në Las Vegas dhe Afrikë. Ka qenë kreu i Formulës 1, Stefano Domenikali, që ka konfirmuar për “Sky Sports” se ka gjasa shumë të mëdha që një gjë e tillë të ndodhë.
Kjo vjen për shkak të interesimit të madh në këtë sport. Ky sezon ka rekord prej 23 garave në kalendar, por ka spekulime se Vegasi mund të bashkohet në sezonin e ardhshëm. Dhe Domenikali ka njoftuar se Ljuis Hemilton, Maks Verstapen dhe yjet e tjerë mund të fluturojnë edhe drejt Afrikës për të garuar atje. “Sin City”, për herë të fundit ka qenë organizator i një “Çmimi të Madh” në Formula 1, në vitin 1984, ndërsa Afrika e Jugut për herën e fundit organizoi garë në vitin 1993.
