Fitore e dyfishtë e Red Bull”-it në Malajzi, Riçiardo merr suksesin e katërt. Në xhiron e 41-të është tërhequr Ljuis Hemiltoni, të cilit i ka marrë flakë motori i makinës dhe këtu ka përfituar australiani, që së bashku me Verstapenin, kanë ndarë vendin e parë dhe të dytë dje
Flasin pilotët pas përfundimit të garës së Malajzisë:

S. Fetel (Ferrari) – “Gara nuk ka zgjatur shumë. E kisha nisur shumë mirë dhe doja të kaloja sa më shpejt Verstapenin në frenim. Makina përpara ishte e “Mercedes”-it, pikërisht Rosbergut. Isha duke hyrë nga brenda, por nuk kam arritur të shkëputem dhe të shmangia përplasjen. Në këtë pikë nuk mund të bëja më shumë, isha në krah të Maksit dhe kam bërë më të mirën e mundshme në frenim. Por kam rrëshqitur pak si shumë dhe kam goditur Rosbergun. Verstapeni më ka thënë “i çmendur”?! Nuk komentoj.”
K. Raikonen (Ferrari) – “Mungonte diçka në kohë në çdo xhiro. Pastaj kam dëmtuar dhe makinën në fund kur Rosberg më ka prekur. Nuk mund të bënim më shumë.”
D. Riçiardo (Red Bull) – “Ka qenë një garë shumë e nxehtë. Hemilton ka ikur menjëherë në krye, pastaj ka pasur atë problem. Nuk jam vetëm një që besoja tek suksesi, por ka shkuar gjithçka si në Montekarlo dhe kam marrë fitoren”.
M. Verstapen (Red Bull) – “Kemi shtyrë nga fillimi deri në fund. Ka qenë një garë e vështirë dhe e lodhshme. Si ndihem? Tani, pasi kam pirë shampanjën e podiumit, themi që jam rizgjuar”.
N. Rosberg (Mercedes) – “Mendova që pas kthesës së parë se gjithçka do të përfundonte. Ka qenë një reagim shumë i madh që të mbërrijë në podium. Prisja një ditë më të mirë, por shkon dhe më mirë kështu. Faleminderit të gjithëve për mbështetjen”.