Formula 1 / Fetel-Lëklerk, “Ferrari”, triumf i dyfishtë në Singapor

Share Button

AlbanianSport.com 22/09/2019 17:55

ASNN – Sebastian Feteli fiton dhe “Ferrari” arrin një triumf të dyfishtë në Çmimin e Madh të Singaporit, që ishte gara e 15-të e Botërorit të Formulës 1. Gjermani kthehet në shkallën më të lartë të podiumit, pas më shumë se një viti. Suksesi i tij i fundit ka qenë në Belgjikë në gusht të 2018-ës. Në vend të dytë u rendit, shoku i tij i skuadrës, Sharl Lëklerku.

Piloti nga Monako u nis nga vendi i parë, për të 3-tën garë radhazi, por nuk arriti të siguronte edhe fitoren e 3-të radhazi. Për këtë vendosi ndalesa më përpara e Fetelit. Gjermani rihyn në pistë përpara Lëklerkut, dhe këto pozicione nuk ndryshojnë deri në fund të garës. Në skuadrën e “Ferrari”-t, fitorja e dyfishtë, mungonte nga Çmimi i Madh i Hungarisë në 2017.

Podiumi kompletohet me holandezin e “Red Bull”-it, Maks Verstapen. Në vend të 4-t e të 5-të makinat “Mercedes” të Ljuis Hemiltonit dhe Valteri Botasit. Në fakt, në letër strategjia e Çmimit të Madh të Singaporit nuk ishte shumë e komplikuar. Duhej një ndalesë për të kaluar nga gomat e buta të fillimit të garës, në të forta ose të mesme. “Pirrelli” kishte garantuar 18-22 xhiro me gomat e buta.

Dhe të gjitha skuadrat thuajse e realizuan këtë kusht. Por në këtë garë ndikoi shumë edhe hyrja e makinës së sigurisë 3 herë, në një pistë ku mundësia për të parakaluar është thuajse zero. E renditja e makinave, sidomos e 5 të parave, Fetelit, Lëklerkut, Verstapenit, Hemiltonit dhe Botasit, u vendos që në mesin e garës dhe nuk ndryshoi deri në fund.

Kryesimin në renditjen e përgjithshme të pilotëve e mban Hemiltoni, me 296 pikë, i ndjekur nga Botasi, Lëklerku, Verstapeni dhe Fetel. Edhe në renditjen e konstruktorëve, hegjemonia e “Mercedes”-it është e padiskutueshme.

 

Artikuj të tjerëFaqja Kryesore

Lëkler nuk ngopet, kërkon tjetër fitore në Las Vegas, ëndërron titullin

Lëkler nuk ngopet, kërkon tjetër fitore në Las Vegas, ëndërron titullin

AlbanianSport.com 15/11/2024 16:05 Lëkler: “Në Las Vegas rikthehemi te fitorja për t’iu afruar titullit

Monako nuk lëviz nga “istikami”, rinovon për garën e saj deri në 2031-shin

Monako nuk lëviz nga “istikami”, rinovon për garën e saj deri në 2031-shin

AlbanianSport.com 14/11/2024 18:30 ASNN – Monako, apo thënë ndryshe Montekarlo, do të vazhdojë

Basketboll – Meshkuj / Mbyllet java e 29-të, Real Madrid nuk lëshon pé

Basketboll – Meshkuj / Mbyllet java e 29-të, Real Madrid nuk lëshon pé

AlbanianSport.com 15/03/2024 23:05 ASNN – Veprimtaria më prestigjioze kontinentale e klubeve në basketboll

Basketboll – Meshkuj / Java e 28-të sjell në parket derbin helen, fiton Olimpiakos

Basketboll – Meshkuj / Java e 28-të sjell në parket derbin helen, fiton Olimpiakos

AlbanianSport.com 14/03/2024 20:55 ASNN – Derbi helen, spektakël në parket. Supersfida e javës së 28-të

Volejboll – Femra / Karshiollu, një ish-trajner i Partizanit për Tiranën

Volejboll – Femra / Karshiollu, një ish-trajner i Partizanit për Tiranën

AlbanianSport.com 14/03/2024 19:05 ASNN – Bylent Karshiollu është trajneri i ri skuadrës së Tiranës

  

Kuqezinjtë në “Gjermani 2024” – Vendi Organizator & Të rejat më të fundit

banner
banner
banner

Arkiva

banner
banner
banner
banner
banner
banner

Kontakte dhe informacione

Rrjeti Shqiptar i Lajmeve Sportive (ASNN)

PR & Marketing:
Gentiana Kodra (Pine)

Rrjetet Sociale

Rreth Nesh