ASNN – Flamurtari në basketboll për meshkuj ka hedhur një hap të sigurt drejt qëndrimit në elitën e basketbollit shqiptar për sezonin tjetër. Ekipi vlonjat, i drejtuar nga Vladimir Birçaj, ka zhvilluar një ndeshje me dy pamje, në takimin e parë të “Play-out”-it midis Superligës dhe Kategorisë së Parë të Kampionatit Kombëtar të Basketbollit për Meshkuj.

Flamurtari luan mirë në dy pjesët e para, të cilat i ka fituar 23-8 dhe 22-17. Dhe në pushimin mes dy gjysmave ka krijuar një diferencë të mirë pikësh prej 20 pikësh, 45-25. Por duket se janë vetëkënaqur përpara kohe, sepse Superiori ka hyrë me një tjetër mendim në pjesën e tretë. E ka fituar atë 19-22 dhe e ka ngushtuar rezultatin e përgjithshëm në 64-47.

Edhe një tjetër sulm i Superiorit të drejtuar nga trajneri Eduard Çarçani, që ka kërkuar dhe përmbysjen. Por edhe pse e ka fituar pjesën e katërt 8-17 nuk ka mundur ta shmangë humbjen, e cila është në shifrat 72-64 për vendësit, të cilët presin ndeshjen e kthimit, që do të luhet të shtunën në Pallatin e Sportit “Asllan Rusi” në kryeqytet, për të konfirmuar qëndrimin e tyre në Superligë.

Flamurtari – Superior Klima                        72-64 (1-0)

(23-8, 22-17, 19-22, 8-17)

Flamurtari: Bacaj, Beko, Kaso, Mino, Dede / Todi, Sotiri, Toska, Gani, Kollovi, Nuredini. Trajner: V. Birçaj

Superior Klima: Ferraj, Gjeçi, Qilimi, Troja, Beqo / Jareci, Shushku, Pregja, Spahiu, Nikolli, Qeleshi, Shytaj. Trajner: E. Çarçani

Gjyqtarë: G. Basho, J. Gokaj (Shkodër), A. Dulçe (Tiranë)

Kampionati Kombëtar

i Basketbollit – Meshkuj

Kalendari i “Play-out”

midis Superligës dhe

Kategorisë së Parë

11 maj 2016:

Flamurtari – Superior Klima                        72-64  (1-0)

(23-8, 22-17, 19-22, 8-17)

Pallati i Sportit “Flamurtari”, Vlorë

14 maj 2016:

Superiori – Flamurtari                     ora 18:00

Pallati i Sportit “Asllan Rusi”, Tiranë

18 maj 2016:

(nëse do të jetë e nevojshme)

Flamurtari – Superiori                     ora 17:00

Pallati i Sportit “Flamurtari”, Vlorë