ASNN – Java e tretë e Ligës Unike në basketboll për femra u mbyll me fitoren e Flamurtarit në Kosovë ndaj vendasve të Penza me rezultatin 94-85. Një ndeshje me emocione shumicën e kohës, ku të dyja ekipet rivalizuan fort. Flamurtari krijoi një epërsi të lehtë në mesin e 10-minutëshit të dytë, epërsi që arriti ta administrojë me kujdes deri në fund, duke e merituar fitoren.
Uilliamsi, me 34 pikë dhe Hendersoni me 28 pikë e 18 topa të zotëruar në tabelë, ishin dy shënueset më të mira për skuadrën vlonjate, që me këtë fitore i bashkohet grupit të ekipeve pretendente për trofe. Në fakt, ka nisur të mërkurën java e 3-të e Ligës Unike në basketboll për femra, dhe ekipi nga Kosova, Bashkimi, udhëheq renditjen me 6 pikë të plota, pasi ka mposhtur Prishtinën 54-51.
Derbi shqiptar mes Tiranës dhe Partizanit, luajtur në “Fahrie Hoti”, u fitua nga brdheblutë më rezultatin 88-82. Një sfidë e ekuilibruar shumicën e kohës, ku të dyja skuadrat e kërkuan fitoren. Për Tiranën u dalluan Palko e Qosja me nga 25 pikë secila, ndërsa për të kuqtë mirë u paraqit Lalaj me 23 pikë. Liga Unike është turneu që bashkon ekipet më të mira të basketbollit nga Shqipëria e Kosova. Mesjavën e ardhshme do të luhen takimet e javës së 4-t.
Liga Unike 2024
Basketboll – Femra
Java e 3-të:
Bashkimi – Prishtina 54-51
Tirana – Partizani 88-82
Penza – Flamurtari 85-94
Renditja
- Bashkimi 6 pikë
- Flamurtari 5 pikë
- Prishtina 5 pikë
- Tirana 5 pikë
- Partizani 3 pikë
- Penza 3 pikë
