ASNN – Në Vlorë u luajt sonte një prej ndeshjeve më të rëndësishme të kësaj faze. Flamurtari dhe Skënderbeu luanin një duel direkt për vendin e 5-të, por në fund ishin kuqezinjtë vlonjatë që fituan 2-0, duke marrë një 3-pikësh që e largon përkohësisht nga kriza dhe, në, anën tjetër, rikthen krizën e Skënderbeut. Një javë më parë, korçarët kishin regjistruar një triumf të ngushtë, 1-0 ndaj Laçit, një fitore që u duk se la pas problemet e “Ujqërve”.

Por dueli i sotëm tregoi dhe një herë se Skënderbeu e ka humbur staturën e ekipit të pathyeshëm dhe është shndërruar në prenë e skuadrave të uritura të Superiores që duan t’i marrin pikë. Me këtë ritëm korçarët nuk shkojnë gjëkundi dhe rrezikojnë të mos kapin asnjë trofe dhe as zonën evropiane (edhe po ta kapin duhet pritur një vendim “dashamirës” nga KAS-i i Lozanës që të ndodhë mrekullia). Ishte Andi Ribaj me golin e tij në minutën e 64-t që i dha drejtim fitores vlonjate në këtë duel.

Ai u pasua me mjaft saktësi nga Torrasa, duke mos i dhënë shans portierit Dajsinani dalja e të cilit nuk dha efekt. Golin e dytë për kuqezinjtë e shënoi Musta, në minutën e fundit të ndeshjes, duke ekzekutuar saktë një goditje diagonale nga brenda zonës, gjuajtje që nuk i dha shans portierit të skuadrës korçare të evitonte prekjen e rrjetës. Pas kësaj fitoreje, Flamurtari barazohet me Skënderbeun në kuotën e 33 pikëve, në vend të 5-të.

Madje mund të thuhet se skuadra vlonjatr pas krizën që e ka “vrarë” gjatë javëve të fundit si pasojë e largimeve të lojtarëve cilësorë në ditët e merkatos së janarit.

Kategoria Superiore

Java e 22-të

Të premten, 15 shkurt 2019:

Teuta – Kukësi                      2-1

Të dielën, 17 shkurt 2019:

Kamza – Kastrioti                  0-1

Flamurtari – Skënderbeu    2-0

Tirana – Luftëtari                   1-1

Laçi – Partizani                     1-0

Renditja

Nr.       Skuadra         N.        F.         B.        H.        Gsh-Gp          Pikë

1. Partizani        22        14        4            4        23-10              46
2. Teuta              22        10        9            3        28-16              39
3. Kukësi            22        11        5            6        21-13              38
4. Laçi                 22          9        7            6        18-17              34
5. Skënderbeu  22        10        3            9        23-19              33
6. Flamurtari      22          9        6            7        19-15              33
7. Tirana             22          6        7            9        26-24              25
8. Luftëtari         22          6        4          12        19-27              22
9. Kastrioti          22          6        1          15        19-39              19
10. Kamza 22          4        4          14        10-26              16