ASNN – Nga 70.500 vende që është kapaciteti i “Olimpiashtadion”, UEFA ka vënë në dispozicion të Barcelonës dhe Juventusit nga 20 mijë vende secila për finalen e këtij viti të Ligës së Kampioneve. 6 mijë bileta do të dalin në shitje për të gjithë, ndërsa pjesa tjetër i është rezervuar sponsorëve dhe partnerëve të UEFA-s.

Për vendet e kategorisë 4, një biletë parashikohet ta kalojë shifrën 2 mijë Euro, ndërsa për kategorinë 1 çmimet bëhen edhe më të kripura, madje ato shkojnë deri në 4-5 mijë Euro.

Këto çmime llogariten për masën e gjerë, sepse ka të tjera që prekin stratosferën. Bëhet fjalë për biletat që shiten bashkë me një paketë shërbimesh luksoze dhe në këtë rast, për të ndjekur ndeshjen, duhet të paguash nga 7 mijë deri në 27 mijë euro.