ASNN – Peqinasit janë ata që e nisin më mirë takimin, teksa që në fillim synojnë që të shtyjnë përpara dhe të realizojnë gol. Mirëpo, edhe pse përpjekjet nuk do të mungojnë, goli duket shumë larg. Fillimisht Nexha, në minutën e 12-të, nuk jep si duhet një top për Maganin.
Sulkja në të 30-n minutë godet bukur një top me kokë, pas një krosimi, por pa rezultat. Fraksionin i dytë i lojës nis sërish në sulm për vendasit, por golin do ta shënonin miqtë. Pepa merr përsipër një faull nga e majta dhe e fut topin në zonë, aty ku nuk e prek askush dhe përfundon në rrjetë.
0-1 dhe peqinasit nuk i besojnë syve, por për fat të mirë nuk dorëzohen dhe besojnë tek kthimi i rezultatit. Në minutën e 73-të, Lluca fut një top në zonë, që përfundon në këmbët e Maganit, i cili nga afër godet dhe shënon, 1-1. Minuta e 80-të dhe Sulkja fut një top në zonë, ku Nexha godet me kokë dhe shënon golin e epërsisë.
Nuk mbaron me kaq, sepse vendasit nuk falin dhe shumë shpejt shënojnë të tretin me anë të një 11-metërshi në minutën e 85-të, që është fituar nga Artur Magani dhe që është kthyer në gol nga Xhyra. Përfundimisht 3-1 për Shkumbinin, ndërsa Bylisi nuk përfiton nga humbja e Lushnjës në Gjirokastër.
Shkumbini – Bylis 3-1
Shënues: A. Magani 73’, Nexha 80’, Xhyra 85’ / Pepa 59’
Shkumbini: Ajazi, Turhani, Isai, Xh. Lluca (Pashja 58’), Sulkja, Nexha, Kafazi, E. Lluca, Xhyra, A. Magani (90’+1 Çela), Meta. Trajner: I. File
Bylisi: Kaloshi, Kuçi, Xhafa (Liçaj 82’), Gjombrati, Shoshaj, Shehaj (Hyskaj 86’), Sako, Gavazaj (Meraj 82’), Muça, Hoxha, Pepa. Trajner: R. Nenaj
Gjyqtarë: A. Koçi, F. Elezi, M. Sadikaj (Durrës)
Kartonë të verdhë: Nexha, Meta / Hoxha, Kaloshi, Gjombrati (2), Pepa
Karton i kuq: Gjombrati
