ASNN – Janë luajtur dje dy ndeshjet e tjera të javës së 16-të të Kampionatit Kombëtar të Volejbollit për Meshkuj dhe Farka Voleji ka dëshmuar edhe një herë tjetër formën e shkëlqyer që po kalon, duke fituar në 3 sete në Durrës ndaj skuadrës vendase, Teutës, dhe duke u hakmarrë në njëfare mase për atë “tolerim” që bregdetarët i bënë një javë më parë Vllaznisë, e cila duket se e ka siguruar vendin në “play-off”-in final, në kurriz të skuadrës së trajnerit Dritan Bardhi.
Nga ana e tyre, shkodranët kanë marrë një fitore 3-1 në Korçë ndaj Skënderbeut vendas, duke ruajtur largësinë prej 7 pikësh që i ndan në renditje nga Farka Voleji. Ndërkaq, Studenti u është kthyer fitoreve në kampionat, teksa të premten në mesditë ka mbaruar punë shpejt ndaj Elbasanit vendës. Diferencat kanë qenë të dukshme, teksa dy setet e para janë fituar thellësisht nga kampionët në fuqi, 13-25 dhe 12-25. Ka një farë rezistence nga Elbasani në të tretin, por përsëri triumfon Studenti dhe në fund 3-0 për skuadrën kampione në fuqi.
Skuadra e trajnerit Ylli Tomorit kryeson me 37 pikë, 7 më tepër sesa ndjekësja më e afërt, Tirana, që këtë javë ka qenë pushim dhe për rrjedhojë ka luajtur një ndeshje më pak. Në vendin e tretë gjendet me 25 pikë Teuta, ndërsa Vllaznia e vendit të 4-t, me një pikë më pak.
Kampionati Kombëtar
i Volejbollit – Meshkuj
Java e 16-të
(20-21 shkurt 2015)
Të premten:
Elbasani – Studenti 0-3
Të shtunën:
Skënderbeu – Vllaznia 1-3
Teuta – Farka Volej 0-3
Tirana pushim
Renditja
Nr. Skuadra N. F. H. Setet Pikë
- Studenti 14 12 2 39-12 37
- Tirana 13 11 2 34-17 30
- Teuta 14 8 6 28-23 25
- Vllaznia 13 8 5 28-18 24
- Farka Volej 13 6 7 22-23 17
- Skënderbeu 13 1 12 12-38 5
- Elbasani 14 1 13 8-41 3
