ASNN – E premtja, e shtuna dhe e diela do të sjellin në Rrjetin e Radio-Televizionit Shqiptar dy veprimtari madhore të sportit evropian dhe atij botëror. Sonte, transmetuesi publik do të ngrejë siparin e veprimtarisë më prestigjioze të klubeve të Evropës në basketboll për meshkuj, të njohur ndryshe si Euroliga.

Takimi i përzgjedhur për transmetim do të jetë ai midis Baskonia Vitorias dhe Anadollu Efesit të Stambollit, që do të luhet në Spanjë, duke nisur nga ora 21:00. Ndërkohë, sikundër ka bërë gjatë gjithë këtij sezoni, Rrjeti i Radio-Televizionit Shqiptar do të vazhdojë të sjellë edhe Kampionatin Botëror të Motoçiklizmit.

Botëror që stacionin e radhës e ka në Japoni. Për shkak të ndryshimit të orës, provat zyrtare do të vijnë drejtpërdrejt në orët e para të mëngjesit, me orën e Tiranës, dhe niveli më i lartë i këtij kampionati, që njihet si “Moto GP”, i zhvillon ato nga ora 06:30, deri në ora 07:50.

Ndërkohë, gara e “Moto GP”-së do të zhvillohet të dielën, duke nisur nga ora 07:00 e mëngjesit.