Italia, përballë Lituanisë, përsëritet çerekfinalja e Evropianit 2013. Barnjani është në dyshim të madh pas dëmtimit që ka pësuar në përballjen e turit të 16-shes ndaj Izraelit, kurse të kaltrit e Pianixhianit janë gati për hakmarrje.
Duke lënë mënjanë fitoren e madhe me Izraelin të dielën në mbrëmje, e vlefshme për turin e 16-shes së Kampionatit Evropian të basketbollit për meshkuj, një sukses me 30 pikë diferencë, Italia e Pianixhianit është duke u përgatitur për sfidën e së mërkurës.
Përpara të kaltërve do të jetë një kundërshtar shumë i vështirë, quajtur ndryshe një “kockë e fortë” për Italinë, siç është Lituania, e cila dy vjet më parë i pati eliminuar të kaltrit pikërisht në çerekfinalet e Evropianit, që u zhvillua në Slloveni.
Tjetër skuadër tashmë, tjetër histori. “Nuk kemi bërë ende asgjë, e dimë se ku duhet të mbërrijmë”, – thotë Belineli, i cili është i bindur për mundësitë reale të Italisë në këtë Evropian.
Fizioterapi për Mago Barnjanin, që ka dalë në fund të pjesës së parë ndaj Izraelit për shkak të një tërheqje muskulore. Dhe në të tilla kushte është me dyshim prania e tij në fushë.
Kampionati Evropian
i Basketbollit – Meshkuj
“Eurobasket 2015”
Rezultatet teknike të turit të 16-shes:
Francë – Turqi 76-53
Letoni – Slloveni 73-66
Spanjë – Poloni 80-66
Greqi – Belgjikë 75-54
Serbi – Finlandë 94-81
Kroaci – Republika Çeke 59-80
Izrael – Itali 52-82
Lituani – Gjeorgji 85-81
Çerekfinalet
(Lilë – Francë)
Sot:
Spanjë – Greqi ora 18:30
Francë – Letoni ora 21:00
Nesër:
Serbi – Republika Çeke ora 18:00
Itali – Lituani ora 21:00
Gjysmëfinalet
17 dhe 18 shtator 2015
Finalja
20 shtator 2015
