ASNN – Portugalia dhe Austria do të luajnë sot një ndeshje vendimtare në grupin F. Të dy skuadrat kane vetëm një objektiv: fitoren. Portugezët nuk do të kenë mungesa në formacion, ndërsa nga ana tjetër, Austrisë do t’i mungoje Dragoviç. Kështu, sot ne orën 21:00, “Parc de Prince”, në Paris do te prese sfidën mes Portugalisë dhe Austrisë, dy skuadra te pozicionuar në grupin F te Kampionatit Evropian “Francë 2016”.
Portugezët janë favoritë në këtë takim, por duhet të bëjnë një paraqitje me te mirë, ne krahasim me ndeshjen e pare ndaj Islandës. Trajneri portugez, Fernando Santos, do te hedhë ne fushe një formacion “fotokopje” te ndeshjes se pare ndaj Islandës, duke u mbështetur ne sulm tek dy ish-lojtarët e Mançester Junajtid, Nani dhe Kristiano Ronaldo.
“Nuk duhet te qajmë barazimin ne ndeshjen e parë, – ka thënë trajneri i Portugalisë. – Tifozët tanë ishin te mrekullueshëm. Ndeshja e pare ishte e vështirë. Ndaj Austrisë do te luajmë për te fituar dhe e dimë qe kemi potencialet e duhura për te fituar. Në krahun tjetër, trajneri Marsel Koler do të hedhë në fushë një formacion më shume mbrojtës, me Marko Jankon te vetëm ne sulm.
I skualifikuari Aleksandër Dragoviç, do te zëvendësohet nga veterani Sebastian Prodl, i aftë te luaje, si në mbrojtje dhe ne mesfushë. “Fatin tone e kemi vete ne dorë, – ka thënë trajneri austriak. – Kemi nevoje për pikë dhe duhet te jemi te përqendruar tek ndeshja.”
“Duhet të jemi me te qetë dhe konkretë ne sulm, – ka vijuar trajneri i Austrisë, Marsel Koler. – Portugalia nuk ka vetëm Kristiano Ronaldon, por dhe të tjerë lojtarë te mirë. Duhet te jemi perfektë.” Ndeshja e sotme midis Portugalisë dhe Austrisë, do te luhet duke nisur nga ora 21:00 ne Stadiumin “Parc de Prince” dhe do te gjykohet nga italiani Nikola Ricoli.
