ASNN – U hodh mbrëmë në orën 18:00 në Pallatin e Kongreseve në Paris shorti i Euro 2016. Kampionati i 16-të Evropian të Futbollit do të zhvillohet në Francë nga 10 qershori deri me 10 korrik 2016.
Shqipëria do të luajë në Grupin A bashkë me Francën vendase, Rumaninë dhe Zvicrën. Sa i përket shortit të pesë grupeve të tjera, në Grupin B janë Anglia, Rusia, Uellsi dhe Sllovakia.
Në Grupin C janë Gjermania, Ukraina, Polonia dhe Irlanda e Veriut. Në Grupin D janë Spanja, Republika Çeke, Turqia dhe Kroacia. Në Grupin E janë Belgjika, Italia, Irlanda dhe Suedia. Në Grupin F janë Portugalia, Austria, Islanda dhe Hungaria.
