ASNN – Franca dhe Zvicra janë dy skuadrat e para të kualifikuara për në turin e 16-shes së fazës finale të Evropianit “Francë 2016”. Ndeshja e fundit në grupin A, e zhvilluar në Lilë midis këtyre dy skuadrave ka përfunduar 0-0. Ky rezultat i kualifikon për më tej të dy ekipet, përkatësisht si parën dhe të dytën e grupit.
Kështu, takimi midis fqinjëve, Francës dhe Zvicrës, është mbyllur në barazim pa gola. Nga një pikë për secilën skuadër, të cilat e mbyllin rrugëtimin në fazën e grupeve, me nga 7 dhe 5 pikë, përkatësisht në vendin e parë dhe të dytë në grupin A të fazës finale të “Euro 2016”-ës.
Franca dhe Zvicra janë dy skuadrat e para të kualifikuara për në fazën tjetër në Evropianin francez. Pas 90 minutave të fundit të luajtura në grupin A, dy skuadrat Franca dhe Zvicra janë ndarë në paqe me një barazim pa gola.
Duke parë lojën e zhvilluar, si dhe faktin që të dy ekipet ishin thuajse të kualifikuara, të dy trajnerët përkatës, kanë vendosur të mos rrezikojnë me lojtarët titullarë. Kështu në Lilë, pas 90 minutave të luajtura, Franca dhe Zvicra kualifikohen për në turin e 16-shes së Evropianit “Francë 2016”.
