ASNN – Historiku i Shqipërisë më skuadrat e Grupit A është si vijon. Me Francën është ndeshur gjashtë herë, 1 fitore, 1 barazim dhe 4 humbje. Katër herë janë ndeshur në Eliminatoret për Kampionat Evropian, ku është mundur 4 herë.
Dy ishin ndeshjet miqësore, ku Franca bënte ndeshje miqësore me skuadrat e Grupit I për eliminatoret e Euro 2016. Kombëtarja kuqezi mori një fitore në shtëpi dhe një barazim në Francë. Me Rumaninë, Shqipëria është ndeshur 16 herë dhe ka 2 fitore, 3 barazime dhe 11 humbje.
Për Eliminatoret e Botërorit, kuqezinjtë janë ndeshur dy herë dhe kanë 2 humbje. Për Eliminatoret e Evropianit janë ndeshur 6 herë, me një bilanc prej 0 fitoresh, 2 barazimesh dhe 4 humbjesh.
Gjithashtu janë luajtur edhe 8 ndeshje miqësore në të cilat Shqipëria ka marrë 2 fitore, 1 barazim dhe ka pësuar 5 humbje. Me Zvicrën, Shqipëria është ndeshur 6 herë, ku nuk ka marrë asnjë fitore, vetëm 1 barazim dhe 5 humbje.
Katër herë janë ndeshur Zvicra dhe Shqipëria për Eliminatoret e Botërorit, ku ka 4 humbje, ndërsa në dy ndeshjet për Eliminatoret e Evropianit, kemi një barazim dhe një humbje.
