Një etapë jo e mirë për Eugert Zhupën, që ka mbërritur 8 minuta e 10 sekonda pas vendit të parë, ndërsa në renditjen e përgjithshme ka rrëshqitur në vendin e 114-të. Diego Ulisi bën sulmin fitues në kilometrat e fundit të etapës së katërt të Xhiros së Italisë, e cila ka nisur në Katanzaro dhe ka përfunduar në Praia a Mare, me një gjatësi prej 200 kilometrash.

Dhe në fund është fitues i kësaj etape, e cila ishte e para në Itali pas tre të tillave të zhvilluara në Holandë. Livornezi ka shpërthyer në një nga shkëputjet e tij të fundit nga grupi i madh, ndërsa i ka rezistuar deri në fund ndjekësve, të cilët ishin pas tij vetëm dhjetë sekonda. E në këtë mënyrë i ka dhuruar dhe fanellën rozë holandezit Tom Dumulin.

Ky i fundit ka përfituar nga kriza e gjermanit Kitel, që ka mbërritur në finish me tetë minuta e dhjetë sekonda larg Ulisit, duke u renditur në vendin e 142-të. Me të njëjtën kohë nga vendi i parë, por tashmë tre pozicione më poshte së Kitel, ka ardhur në finish dhe çiklisti shqiptar, Eugert Zhupa, i cili, pas 3 të parave shumë të kënaqshme, nuk është se ka bërë një etapë të mirë.

E për rrjedhojë në renditjen e përgjithshme ka humbur 19 vende duke qenë tashmë i 114-ti me një distancë prej nëntë minutash e 44 sekondash nga Tom Dumulin, që është kryesuesi aktual i Xhiros së Italisë. Duke mbetur tek etapa e katërt, fillimisht janë shkëputur Boem, Brandle, Mohoriç dhe Roskop. Ato e kanë nisur shkëputjen në kilometrin e 15-të të etapës.

Por, teksa kishin mbetur 50 kilometra nga finishi janë stakuar nga grupi i madh i ndjekësve. E kanë provuar të shkëputen shtatë të tjerë, në një nga sulmet finale, duke i dhënë kështu dhe çarje të grupit të madh të ndjekësve. Dhe i vetmi që i ka rezistuar kësaj shkëputjeje ishte Diego Ulisi, që në Praia a Mare ishte fitues.

Xhiro e Italisë 2016

Çiklizëm – Meshkuj

Rezultatet e etapës së 4-t

(Katania-Praia a Mare, 200 km)

1)     Diego Ulisi (Itali)                               4h46’51”

2)     Tom Dumulin (Holandë)                 +5”

3)     Stiven Kruijseijk (Holandë)                        +5”

4)     Alehandro Valverde (Spanjë)        +6”

5)     Xhianluka Brambila (Itali)               -“-

6)     Vincenco Nibali (Itali)                      -“-

7)     Ilnur Zakarin (Rusi)                         -“-

8)     Mateo Busato (Itali)                          -“-

9)     Esteban Çavez (Kolumbi)              -“-

10)    Nikolas Roshe (Irlandë)                  -“-

145) EUGERT ZHUPA (SHQIPËRI)         +8’10”

Renditja e përgjithshme pas katër etapash:

1)      Tom Dumulin (Holandë)                 14h00’09”

2)      Bob Jungels (Luksemburg)                       +20”

3)      Diego Ulisi (Itali)                               -“-

4)      Stiven Kruijeijk (Holandë)              +24”

5)      Georg Preidler (Austri)                    -“-

6)      Vincenco Nibali (Itali)                      +26”

7)     Alehandro Valverde (Spanjë)        +31”

8)     Jakob Fuglsand (Danimarkë)        +35”

9)     Nikolas Roshe (Irlandë)                  +37”

10)    Esteban Çavez (Kolumbi)              -“-

114) EUGERT ZHUPA (SHQIPËRI)         +9’44”