AlbanianSport.com 16/12/2018 22:05

ASNN – Të dielën u luajtën ndeshjet e ditës së katërt në Kupën e Shqipërisë në volejboll për meshkuj, Grupi B, ku ra në sy fitorja e Erzenit të Shijakut, që mundi 3-0 Farka Volejn dhe tani siguron edhe matematikisht kalimin në gjysmëfinale të Kupës, pasi në 3 takime të luajtura ka siguruar po aq fitore, mjaftueshëm për të qenë në fazën tjetër të kësaj veprimtarie.

Edhe pse shijakasit kanë dhe një ndeshje për të luajtur, pikërisht të hënën ndaj Teutës së vendit të fundit, ata edhe matematikisht kanë kryer punë dhe gjysmëfinalja e Kupës është e garantuar, kështu që dueli me durrsakët, një derbi, do të jetë thjesht për statistikë. Ndërkohë, ndeshja tjetër e ditës së sotme, Tirana-Studenti, u fitua me lehtësi nga bardheblutë me rezultatin 3-0.

Tirana vuajti pak në setin e dytë dhe të tretë, por nuk e diskutoi fitoren, kështu që me suksesin e sotëm shkon në 6 pikë. Por bardheblutë nuk e kanë siguruar kualifikimin. Pasi, vendimtare do të jetë dueli direkt me Farka Volej, që do të luhet të hënën në darkë, duel që i përket ditës së pestë dhe të fundit në grup. Skuadra që do të fitojë këtë ndeshje do t’i bashkohet Erzenit të Shijakut në gjysmëfinale.

Të dyja skuadrat ndodhen pak a shumë në të njëjtin nivel, prandaj kjo përplasje pritet me interes. Sa i takon grupit A, Partizani dhe Vllaznia i kanë siguruar gjysmëfinalet që në fundjavën e kaluar, madje Partizani mori kreun e grupit A, pasi mundi në duel direkt Vllazninë me rezultatin 3-1.

 

Kupa e Shqipërisë

Volejboll – Meshkuj

 

Grupi B

 

Dita e parë, 7 dhjetor 2018:

 

Tirana – Teuta                       3-0

(25-10, 25-10, 25-12)

 

Studenti – Farka Volej         1-3

(25-13, 17-25, 19-25, 25-27)

 

Erzeni                                                (pushim)

 

Dita e dytë, 8 dhjetor 2018:

 

Teuta – Studenti                   0-3

(18-25, 15-25, 11-25)

 

Erzeni – Tirana                      3-1

(25-22, 26-24, 25-27, 25-21)

 

Farka Volej                            (pushim)

 

Dita e 3-të, 9 dhjetor 2018:

 

Studenti – Erzeni                  0-3

(19-25, 12-25, 23-25)

 

Farka Volej – Teuta              3-0

(25-17, 25-20, 25-16)

 

Tirana                                     (pushim)

 

Dita e 4-t, 16 dhjetor 2018:

 

Erzeni – Farka Volej             3-0

(25-18, 25-14, 25-13)

 

Tirana – Studenti                  3-0

(25-16, 25-21, 25-21)

Teuta                                      (pushim)

 

Dita e 5-të, 17 dhjetor 2018:

 

Teuta – Erzeni                       ora 16:00

Farka Volej – Tirana             ora 18:00

Studenti                                 (pushim)

 

Renditja

Nr.       Skuadra         N         F          H         Setet   Pikë

1. Erzeni                        3          3          0          9-1      9
2. Tirana             3          2          1          7-3      6
3. Farka Volej    3          2          1          6-4      6
4. Studenti         4          1          3          4-9      3
5. Teuta              3          0          3          0-9      0