ASNN – Më së fundi Erzeni e ka gjetur fitoren në miqësore. Dhe gjithçka ka ndodhur dje ndaj Teutës B më Durrës, atje ku shijakasit e trajnerit Orman Vora kanë fituar bindshëm, në shifrat 4-0.
Për shijakasit kanë shënuar Xhuljo Vora, Armin Kllari, Elert Kalluci dhe Igli Vora. Sipas shijakasve ka qenë një lojë e shkëlqyer e Erzenit, ndërsa skuadra ka treguar nivel më të lartë se sa durrsakët.
E jo vetëm kaq, por ka bërë dhe një volum më të madh loje e për rrjedhojë ka fituar 4-0. Kjo fitore vjen pas dy humbjeve 0-5 me Ilirinë dhe 0-2 me Sopotin. E duket se Erzeni po ringjallet.
