ASNN – Skënderbeu, në basketboll për meshkuj, vazhdon rezultatet negative teksa edhe dje në shtëpi ka humbur me 20 pikë diferencë 60-80 përballë Elbasanit, në takimin e vlefshëm për javën e 11-të të nivelit të dytë të Kampionatit Kombëtar, që njihet si Kategoria e Parë.
Madje korçarët mund të themi që kanë mundur të rivalizojnë vetëm në dy pjesët e para, por që, sidoqoftë, fitohen sërish nga miqtë. Nisja e ndeshjes sheh një epërsi të lehtë të miqve që kryesojnë 8-10, 12-18 dhe e mbyllin pjesën e parë me shifrat 17-24. Vetëm në pjesën e fundit, Skënderbeu zgjohet dhe luan disi më mirë.
Por, pavarsisht se e fiton atë 14-10, rezultati përpara se të dy ekipet të futeshin në dhomat e zhveshjes shënon 31-34 për miqtë. Pas pushimit është e njëjta pamje në parket, ku miqtë vetëm thellojnë diferencën duke e fituar edhe pjesën e tretë 13-18. Në pjesën e fundit Skënderbeu lëshon totalisht dhe tabela elektronike shënon shifrat 60-80 në fundin e saj.
Skënderbeu – Elbasani 60-80
(17-24, 14-10, 13-18, 16-28)
Skënderbeu: Thanas, Simaku, Habip, Topi, Duci / Bala, Gj. Nika, Terolli, J. Kristo, Gërmenji. I. Kristo, Qazimllari. Trajner: I. Nika
Elbasani: Koçiasi, B.Skëndaj, Xhino, I. Skëndaj, Balliu/Biçoku, Mata, Guxha, Musta, Isufi. Trajner: B. Sinani
Gjyqtarë: A. Dulçe, J. Muho (Tiranë)
Kampionati Kombëtar
i Basketbollit – Meshkuj
Kategoria e Parë
Java e 11-të
(27-28 shkurt 2016)
Të shtunën:
Skënderbeu – Elbasani 60-80
Ardhmëria Basket pushim
Të dielën:
Tirana Eagles – Superior sot, ora 14:00
Renditja
Nr. Skuadra N. F. H. Psh-Pp Pikë
- Elbasani 9 7 2 712-544 16
- Ardhmëria 8 7 1 560-375 15
- Superior 8 5 3 558-430 13
- Skënderbeu 9 1 8 465-615 10
- Tirana Eagles 8 1 7 373-577 9
