ASNN – Elbasani-Lushnja është ndeshja e fundit e javës së 4-t të Kategorisë së Parë, një sfidë që vë përballë dy skajet e renditjes së grupit B. Kjo ndeshje do të sillet për sportdashësit drejtpërdrejt nga Rrjeti i Radio-Televizionit Shqiptar, duke nisur nga ora 14:00.

Niveli i dytë i Kampionatit Kombëtar të Futbollit, që njihet si Kategoria e Parë, mbyll sot javën e tij të 4-t, me takimin e fundit të vlefshëm për grupin B, atë që do të luhet në Elbasan midis skuadrës vendase dhe Lushnjës.

Sikundër ka bërë të shtunën dhe të dielën, teksa ka sjellë fillimisht takimin e vlefshëm për grupin A, midis Kamzës dhe Erzenit, që u fitua nga vendasit me rezultatin 2-1, e më pas atë të vlefshëm për grupin B, midis Dinamos dhe Bylisit, që u mbyll me rrjeta të paprekura, Rrjeti i Radio-Televizionit Shqiptar do të sjellë edhe përballjen e sotme që luhet në Stadiumin “Elbasan Arena”.

Takimi i sotëm vë përballë Elbasanin që e ka nisur keq sezonin, me 4 pikë të grumbulluara në këto 3 javë të para, me Lushnjën kryesuese, e cila i ka fituar të gjitha ndeshjet e para dhe kryeson renditjen e grupit A, me pikë të plota, 9.

Ndeshja e sotme midis Elbasanit dhe Lushnjës luhet duke nisur nga ora 14:00.