ASNN – Kategoria Superiore e Kampionatit Kombëtar të Futbollit vijon sot me dy ndeshjet e tjera të javës së 16-të të saj dhe, duke nisur nga ora 14:00, Tirana ka qenë mysafire në Vlorë, ky është ndeshur me Flamurtarin vendas dhe ka fituar me rezultatin 2-0, falë dy golave të Elis Bakajt në pjesën e parë.
Ndërsa takimi i fundit i kësaj jave është ai i që luhet në Durrës duke nisur nga ora 17:00 dhe ku Teuta vendase do të presë në Stadiumin “Niko Dovana” Skënderbeun. Vendasit e synojnë fitoren për të shkurtuar distancën me dyshen kryesuese, ndërsa kampionët në fuqi kërkojnë të përfitojnë nga hapi fals i Partizanit dhe t’u bashkohen atyre në kuotën e 40 pikëve.
Tri ndeshjet e para të javës së 16-të u luajtën të shtunën dhe pasdreke, Laçi dhe Kukësi kanë shënuar nga një gol secila dhe kanë ndarë nga një pikë, në ndeshjen që u soll për sportdashësit drejtpërdrejt nga Rrjeti i Radio-Televizionit Shqiptar. Po pasdreke, Vllaznia ka mundur Tërbunin me shifrat 2-0, ndërsa në mbrëmje, Partizani kryesues u ndal në një barazim 1-1 në kryeqytet përballë Bylisit.
