ASNN – Inter-Reali i Madridit është një nga sfidat e rëndësishme që do të luhen të mërkurën në Ligën e Kampioneve. Zikaltërit luajnë në “San Siro” para tifozëve të tyre e do të kërkojnë 3 pikët. Por përballë do të kenë një skuadër që drejtohet nga Karlo Ançeloti, një mjeshtër në këtë veprimtari, pasi ka fituar 5 trofe. Për të harruar disi Serinë A, Interi po mendon për një tjetër ndeshje drithëruese. Në “San Siro”, skuadra e trajnerot Simone Inzagit do të përballet me Realin e Madridit të drejtuar nga Karlo Ançeloti, një mjeshtër në përballimin e sfidave të Ligën së Kampioneve, aty ku ka fituar 5 trofe.
Por për Inzaghin, e kaluara nuk vlen shumë. “Edicionet e kaluara nuk kanë rëndësi, ashtu edhe sfidat me Realin, – thotë ai. – Ato përfaqësojnë të kaluarën. Ne tani kemi një rast të mirë për të shkruar një faqe të re e të rëndësishme në historinë e klubit. Kemi një grup jo shumë të lehtë në Ligën e Kampioneve, të cilin duam ta kalojmë. Do të luajmë me shpirt ndër dhëmbë, duke shpresuar të jemi në ditën tonë më të mirë. Do të jetë bukur të luajmë në San Siro para tifozëve tanë.” Inter-Real mbetet një sfidë monumentale.
Të dy skuadrat janë përballur 17 herë midis tyre dhe madrilenët kryesojnë me 8 fitore kundrejt 7 të Interit, ndërsa 2 ndeshje janë mbyllur në barazim, ndërsa edhe golaverazhi është në favor të ibrikëve, 25-21. Reali do të ketë 5 mungesa të rëndësishme në “San Siro”. Marselo, Mendi, Bejl, Kros dhe Sebajos nuk do të jenë në dispozicion të Ançelotit të mërkurën. Në sulm trajneri italian do t’i besojë dyshes Benzema-Vinicius. Ndeshja Inter-Real Madrid e vlefshme për grupin D, luhet të mërkurën në orën 21.00 dhe do të transmetohet drejtpërdrejt në Rrjetin e RTSH-së.
Kjo sfidë do të gjykohet nga një treshe gjyqtarësh gjermanë me kryesor Daniel Zibertin. Po të mërkurën luhen edhe në Grupin A përballjet Mançester Siti-Lajpcig dhe Klub Bryzh-Paris SG, të dyja në orën 21:00, në Grupin B, Atletiko e Madridit-Porto dhe Liverpul-Milan, në orën 21:00, në grupin C Beshiktash-Borusia Dortmund në orën 18:45 dhe Sporting i Lisbonës-Ajaks, në orën 21.00 dhe në grupin D, përveç Inter-Real i Madridit luhet edhe Sherif i Tiraspolit-Shahtjor i Donjeckut, por duke nisur nga ora 18:45.
