Ultrasit e Dinamos “Blues Boys” kanë bërë thirrje të gjithë tifozëve që të jenë sa më të shumtë të shtunën në “Selman Stërmasi”, në ora 14:00, ndërsa Dinamo do të jetë përballë Shkumbinit. Në thirrjen e tyre në “Facebook”, ata i kanë ftuar tifozët blu që të jenë sa më të shumtë, sepse blutë kanë nevojë për mbështetje.

“Duhet të jemi të gjithë në stadium në këtë ndeshje shumë të rëndësishme, ndaj mobilizohuni të gjithë! – shkruan grupimi i tifozëve të bluve kryeqytetas. – Na duhen vetëm 3 pikët. Gjatë javës do iu komunikojmë të gjitha detajet. Lajmëroni të afërmit dhe miqtë që të jemi sa më të shumtë! Çunat kanë nevojë për ne.”

Ndërkohë dinamovitët kanë vijuar stërvitjen e tyre në “kalçeto”, atje ku ka mbetur i lënduar Duqi, ndërsa Capa ka bërë vrapim rreth kodrave të Liqenit.