ASNN – Ndeshja derbi e luajtur të premten në mbrëmje midis Partizanit dhe Tiranës përsëriti të njëjtin fund siç ka bërë zakonisht në këto katër vitet e fundit. Partizani del i gëzuar nga stadium, kurse Tirana e trishtuar. Edhe pse në këtë derbi të luajtur në Stadiumin “Selman Stërmasi” Tirana realizoi e para me anë të Grend Halilit, ishte sërish Partizani që fitoi 2-1, pasi i riu shkodran Rubin Hebaj e përmbysi me dygolëshin e tij Tiranën.

Duke i dhënë një 3-pikësh me vlerë Partizanit në rrugëtimin për titull dhe njëherësh një fitore morali që ka shumë peshë për vazhdimësinë e garës e sidomos në rivalitetin me Skënderbeun për titullin këtë edicion. Tirana luajti mirë në shumicën e kohës, qoftë në pjesën e parë ashtu dhe në të dytën. Ishte një ndeshje spektakolare në tërësi, pasi të dyja skuadrat i shkarkuan “bateritë” fizike e teknike për fitoren. Por fati ishte me Partizanin dhe jo rastësisht.

Dy shtylla të goditura, një 11-metërsh i mohuar dhe disa aksione model mund të veçohen nga Partizani i i kësaj sfide, kurse Tiranës nuk po i ecën fati në duelet derbi, sepse në këtë ndeshje luajti vërtet mirë. Por gabimet kushtojnë dhe Tirana gaboi. Në të dy rastet e golit të shënuar nga Hebaj në minutat e fundit të ndeshjes, lojtarët e Tiranës bënë gabime foshnjarake. Dhe për pasojë e pësuan keq, duke e humbur ndeshjen me rezultatin 1-2.

Kategoria Superiore

Java e 15-të

Të premten, 30 nëntor 2018:

Partizani – Tirana                 2-1

Të shtunën, 1 dhjetor 2018:

Luftëtari – Kukësi                  (14:00)

Skënderbeu – Teuta                        (17:00)

Të dielën, 2 dhjetor 2018:

Laçi – Kamza                         (14:00)

Kastrioti – Flamurtari            (14:00)

Renditja

Nr. Skuadra               Pikë

1. Partizani             34
2. Skënderbeu 30
3. Teuta 25
4. Laçi 25
5. Kukësi             24
6. Flamurtari 22
7. Luftëtari             13
8. Tirana             11
9. Kamza               8
10. Kastrioti   7