ASNN – Në fakt, ka ndodhur edhe përpara finales së famshme të Evropianit të 1996-s, ku dëmtimet e reduktuan Gjermaninë finaliste në më pak se 14 lojtarë, në prag të përballjes me Republikën Çeke. Mediat raportuar se ishte përgatitur një bluzë lojtari edhe për portierin (atëherë) rezervë Oliver Kahn, i cili do të futej në fushë nëse gjendja e personelit do të përkeqësohej.
Sidoqoftë, Gjermania nuk pati nevojë ta aktivizonte Kahnin si lojtar (sipas gjasave në detyra mbrojtëse), pasi një tjetër rezervë, i quajtur Oliver Bierhof, e zgjidhi finalen në favor të skuadrës së tij. Në fakt, ajo që ka ndodhur dje në Tepelenë, në takimin e vlefshëm për javën e 9-të të grupit B të Kategorisë së Dytë, ka qenë akoma më interesante sesa kjo histori e Gjermanisë së 1996-s.
Kjo sepse skuadra udhëtuese, Delvina, ka aktivizuar jo një, por plot 3 portierë(!?) Tepelena ka fituar lehtësisht, me shifrat 3-1, por, sfida e djeshme me ndaj Delvinës është shndërruar në një parodi humoristike. Kjo për arsye se miqtë nuk kishin mjaftueshëm lojtarë, pasi disa janë të dënuar dhe disa të skualifikuar për shkak kartonësh, në fushë për Delvinën kanë qenë tre… portierë.
Gardiani titullar i portës ishte Çallari, në një kohë që Kicikori dhe Ceka që janë portierë, dje kanë hyrë në fushë në pjesën e dytë si lojtarë. Ceka ka hyrë në fushë që në fillimin e pjesës së dytë, duke zëvendësuar Çiçën, ndërsa Kicikori është aktivizuar në 15 minutat e fundit në mbrojtje, në vend të Jankut. Dhe, në fakt, kjo situatë ka shkaktuar jo pak humor dhe ilaritet.
Vendësit e Tepelenës kanë shënuar dy gola në 18 minuta, në një kohë që kanë realizuar edhe në pjesën e dytë. Duket se shembulli i Manuel Nojerit, i cili funksion shpesh si mbrojtës më tepër sesa një portier, po ndiqet edhe në futbollin shqiptar.
