ASNN – David Mojes nuk ka shumë kohë që ka marrë drejtimin e Real Sociedadit dhe ish-trajneri i Mançester Junajtid kërkon ta përforcojë skuadrën spanjolle në merkaton e janarit me lojtarë nga kampionati anglez, të cilin e njeh shumë mirë.
E përditshmja “The Telegraph” pretendon se trajneri skocez është i interesuar për mesfushorin kosovar të “Djajve të kuq”, Adnan Januzajn. Lojtari që ka zgjedhur të luajë për përfaqësuesen belge është një nga më të talentuarit e Mançester Junajtid,
Por nën drejtimin e trajnerit holandez, Luis Van Gal, Januzaj është aktivizuar shumë pak gjatë këtij sezoni. Ndërkaq, klubi spanjoll duket se ka ndërmend të kërkojë huazimin e Januzajt, pasi anglezët nuk pranojnë ta shesin.
