ASNN – Çdo atlete e ka një histori… Atletet “adidas Crazylight Boost 2” kanë qenë një zgjedhje popullore sezonin e kaluar dhe ja tek kemi versionin e përmirësuar 2.5 nga edicioni i Endrju Uiginsit. Të rejat vijnë nga pjesa e sipërme e atletes, e cila ndërthur pjesën kryesore të thurjes nga materiale të ndryshme rrjete me një film TPU.
Lidhëset tashmë janë asimetrike për t’ju dhënë një ndjesi edhe më komode. Shtresa “Boost” në pjesën e thembrës ju jep një energji të pashtershme. Këtë vit, Endrju Uiginsi ka vënë së bashku ngjyrën e kuqe, të bardhë, gri dhe ngjyrën e arit në nder të nënës së tij, Marita Pejn-Uigins dhe uniformës së saj kanadeze të vrapit.
Marita ishte atlete shumë e suksesshme e Kanadasë dhe ka fituar dy medalje argjendi në Olimpiadën e Los Anxhelosit në vitin 1984. Ajo ende mban dy rekorde kanadezë për 200 dhe 400 metra distancë. Ngjyra e gomës së atletes është e bardhë dhe e kuqe ashtu si edhe ngjyrat e flamurit kanadez.
