Në Xhiron e Italisë, Trentin ka befasuar Mozerin dhe Brambilën dhe ka fituar etapën e 18-të. Stiven Kruijsvijk, që mbetet gjithnjë kryesuesi i turit çiklistik të Italisë, është gjithnjë e më pranë fitores. Eugert Zhupa mbërrin në Pinerolo në vendin e 75-të, ndërsa në renditje është 130-ti.
Ndryshe nga një etapë më parë, teksa për 194 kilometra, ka qenë në krye të etapës, dje shqiptari i vetëm në Xhiron e Italisë, Eugert Zhupa, deri diku ka bërë një garë të mirë. Ka ardhur në vendin e 75-të në finish, ndërsa në renditjen e përgjithshme ka rrëshqitur në vendin e 130-të.
Në kushtet kur në Xhiron e Italisë, një ndër më të vështirat në Evropë, nga 198 që kanë nisur garën kanë mbetur 161 pjesëmarrës dhe Eugert Zhupa është duke rezistuar deri në fund kjo duhet cilësuar sukses për të. E më pas dhe sukses për çiklizmin shqiptar që kështu arriti të përfaqësohet denjësisht me Zhupën në Xhiron e Italisë për këtë vit.
Xhiro e Italisë 2016
Çiklizëm – Meshkuj
Rezultatet teknike të etapës së 18-të
(Muxhio-Pinerolo, 240 kilometra)
Nr. Çiklisti (Kombësia) Koha
1) Mateo Trentin (Itali) 5h25’34”
2) Moreno Mozer (Itali) – “ –
3) Xhianluka Brambila (Itali) – “ –
4) Sasha Modolo (Itali) + 20”
5) Nikias Arndt (Gjermani) + 30”
6) Ivani Rovni (Luksemburg) + 34”
7) Mateo Busato (Itali) + 1’10”
8) Kristian Knes (Gjermani) + 1’16”
9) Aksel Domont (Francë) + 1’24”
10) Davide Malakarne (Itali) + 4’28”
75) EUGERT ZHUPA (SHQIPËRI) + 23’22”
Renditja e përgjithshme pas 18 etapash:
Nr. Çiklisti (Kombësia) Koha
1) Stiven Kruijsvijk (Holandë) 73h50’37”
2) Esteban Çavez (Kolumbi) + 3’00”
3) Alehandro Valverde (Spanjë) + 3’23”
4) Vincenco Nibali (Itali) + 4’43”
5) Ilnur Zakarin (Rusi) + 4’50”
6) Rafal Majka (Poloni) + 5’34”
7) Bob Jungels (Luksemburg) + 7’57”
8) Andrei Amador (Kosta Rika) + 8’53”
9) Domeniko Pozovivo (Itali) + 10’05”
10) Kanstantsion Siutsou (Bjellorusi) + 11’15”
130) EUGERT ZHUPA (SHQIPËRI) + 3h12’55”
