Eugert Zhupa i ka çuditur të gjithë me atë shkëputje që ka bërë dje në etapën e 6-të të Xhiros së Italisë, e cila ka qenë e gjatë 157 kilometra nga Ponte në Rokaraso. Pikërisht për 150 kilometra, së bashku me rusin Golobnev dhe italianin Bisolti, ka kryesuar etapën, ndërsa kanë pasur një shkëputje nga grupi i madh i ndjekësve prej 8 minutash. Por vetëm 3 kilometra nga finishi është kapur nga ndjekësit, ndërsa belgu Tim Velens fiton etapën e parë të Xhiros në ngjitje, ndërsa është shkëputur 17 km larg finishit në Rokaraso.

Zhupa ka mrekulluar italianët, por dhe drejtuesit e Federatës Shqiptare të Çiklizmit, sepse ka bërë një nga paraqitjet e tij më të mira. Ai ka fituar 12 pikë dje, ndërsa në finish ka ardhur në vendin e 69-të, kurse në renditjen e përgjithshme është ngjitur 26 vende, duke u klasifikuar në vendin e 79-të. Belgu merr suksesin e tij pasi kishte fituar Çmimin e Madh në Boka dela Selva, që ishte një tjetër ngjitje e kësaj etape të 6-të të Xhiros së Italisë. Dhe pikërisht në këtë ngjitje ai ka arritur të stakojë të shkëputurit e ditës, mes së cilëve dhe Eugert Zhupa.

Jakob Fuglsang parakalon Zakarin dhe Dumulin në shpërthim e sipër dhe arrin në vendin e dytë. Holandezi vazhdon të konservojë fanellën rozë, ndërsa është vetëm 26 sekonda nga Fuglsang, ndërkohë që Nibali ka rrëshqitur me një distancë prej 47 sekonda nga vendi i parë, teksa është stakuar pas tendencës për një shpërthim të parë.

Xhiro e Italisë 2016

Çiklizëm – Meshkuj

Rezultatet teknike të etapës së 6-të

(Ponte-Rokaraso 157 km)

Nr.       Çiklisti                                                                        Koha

1)       Tim Velens (Belgjikë)                                  4h40’05”

2)       Jakob Fuglsang (Danimarkë)                    +1’19”

3)       Ilnur Zakarin (Rusi)                                     -“-

4)       Tom Dumulin (Holandë)                             +1’22”

5)       Kanstantin Siutsou (Bjellorusi)                 +1’24”

6)       Domeniko Pozovivo (Itali)                          -“-

7)       Esteban Çavez (Kolumbi)                          +1’29”

8)       Rigoberto Uran (Kolumbi)                          +1’33”

9)       Rafal Majka (Poloni)                                    -“-

10)      Alehandro Valverde (Spanjë)                    +1’36”

———————————————————————-

69)      EUGERT ZHUPA (SHQIPËRI)                  +6’53”

Renditja e përgjithshme e Xhiros së Italisë

Nr.       Çiklisti                                                                        Koha

1)       Tom Dumulin (Holandë)                             24h22’15”

2)       Jakob Fuglsang (Danimarkë)                    +26”

3)       Ilnur Zakarin (Rusi)                                     +28”

4)       Bob Jungels (Luksemburg)                                   +35”

5)       Stiven Kruijijk (Holandë)                             +38”

6)       Alehandro Valverde (Spanjë)                    +41”

7)       Diego Ulisi (Itali)                                           -“-

8)       Esteban Çavez (Kolumbi)                          +44”

9)       Vincenco Nibali (Itali)                                  +47”

10)      Kanstantin Siutsou (Bjellorusi)                 +49”

———————————————————————–

79)      EUGERT ZHUPA (SHQIPËRI)                  +19’00”