Është holandezi Tom Dumulin fanella e parë rozë e Xhiros së Italisë. I zoti në atdheun e tij ka arritur që garën e kronometrit, që është zhvilluar në Apeldorn të Holandës me një gjatësi 9.8 kilometra, ta përfundojë në kohë 11’03”.

Duhet bërë e ditur që 3 etapat e para të Xhiros së Italisë do të zhvillohen në Holandë, ndërsa është hera e dymbëdhjetë që kjo garë nis jashtë shtetit të Apenineve. Dumulin në fakt e ka mbyllur etapën e parë në të njëjtën kohë me sllovenin Rogliç.

Por vendasi është shpallur fitues me të qindtat. Sepse Dumulin ka arritur në finish me kohëmn 11’03”21, kurse slloveni me 11’03”22. Italiani i parë në renditje ishte Moreno Mozer, i cili në fakt është renditur i gjashti duke qenë 12 sekonda larg vendit të parë.

Pretendentët për ta fituar e kanë mbyllur kështu: Nibali 11’22” duke qenë më mirë se sa rivalët Valverde 11’27” dhe Landa 11’43”. Për Kançelarën ka një kohë më e mirë 11’17”. Sot zhvillohet etapa e dytë Arhem-Nijmegen 190 km.

Xhiroja e Italisë 2016 në Çiklizëm

Rezultatet teknike të etapës së parë

(Apeldorn-Apeldorn 9.8 km)

1) Tom Dumulin (Holandë)                        11’03”21

2) Primoz Rogliç (Slloveni)                        11’03”22

3) Andrei Amador (Kosta Rika)                  + 6”

4) Tobias Ludvigson (Suedi)                     + 8”

5) Marsel Kitel (Gjermani)                           + 11”

6) Moreno Mozer (Itali)                                + 12”

7) Bob Jungels (Luksemburg)                   + 13”

8) Fabian Kançelara (Zvicër)                     + 14”

9) Matias Brandle (Austri)                           + 14”

10) Silvian Dilier (Zvicër)                            + 16”

————————————————————–

193)    EUGERT ZHUPA (SHQIPËRI)      + 1’33”