ASNN – Demir Muliç, çiklisti nga Mali i Zi, ia ka marrë dorën “Shtegut të Gjelbër”, që ka zhvilluar dje edicionin e tretë. Një veprimtari që ka nisur dhe ka përfunduar në Sheshin “Skënderbej”, ndërsa është përshëndetur nga kryetari i Bashkisë së Tiranës, Erjon Veliaj, si dhe presidenti i fondacionit EDS, njëkohësisht presidenti i Federatës Shqiptare të Aeronautikës, Renis Tërshana.
Itinerari i kësaj gare ka qenë 63 kilometra, ndërsa ka kaluar nga Kodrat e Liqenit, për të vazhduar në zonën malore të Ndroqit, Arapajt në Durrës dhe është kthyer në Tiranë. Kanë qenë mbi 100 çiklistë edhe nga shtete të huaja, ndërsa “Shtegu i Gjelbër” i është bashkangjitur dhe Maratonës së Tiranës. E në këtë mënyrë është rritur dhe numri i vepritamtarive sportive në Tiranë.
Kurse kryetari i bashkisë së kryeqytetit, Erjon Veliaj, ka gjetur rastin të bëjë thirrje për më shumë ecje me biçikleta. Aq më tepër që tashmë janë duke u ndërtuar dhe korsitë e biçikletave në kryeqytet. Përfundimisht, Demir Muliç është fituesi i Shtegut të Gjelbërt për vitin 2018.
“Shtegu i Gjelbër 2018”
Rezultatet teknike të edicionit të 3-të:
Nr. Çiklisti (Kombësia) Koha
- Demir Muliç (Mali i Zi) 2h50’52”
- Orgest Noka (Shqipëri) 3h19’59”
- Gëzim Bali (Shqipëri) 3h31’16”
