Duke qenë se ishte në Kampionatin Botëror, Anxhaku është takuar si me presidentin e Federatës Botërore, ashtu dhe atë të Evropës, prej të cilëve ka marrë dhe premtimin për më shumë përkrahje.
“Por unë jam takuar dhe me presidentin e Federatës së Katarit, të cilit i kam bërë ftesë personale për të ardhur për vizitë në Shqipëri, sepse vetëm kështu rrisim bashkëpunimin me këto institucione”, – ka vijuar ai.
Në të njëjtën kohë, Anxhaku nuk ka lënë dhe mënjanë projektin e Françesko Frazit për krijimin e skuadrës profesioniste. “Së shpejti do të licencojmë bashkëpunimin me “Amaro Vita”-n”, – ka zbuluar ai.
“Kështu synojmë që të kemi një skuadër shqiptare profesioniste me shumë çiklistë”, ka përfunduar kreu i organizmit që qeveris dyrrotakët shqiptarë, Skënder Anxhaku i ardhur menjëherë pas Botërorit të Katarit, duke folur për “Sport Ekspres”.
