Kjo është ajo që të vjen ndër mend pas javës së 5-të në Kategorinë Superiore të Kampionati Kombëtar të futbollit. Skënderbeu dhe Partizani shkëputen nga ndjekësit me lojë, rezultate… dhe kontestime. 5 herë kampionët e kanë kuptuar që Liga e Evropës është dukshëm shumë e fortë për ta e në këto kushte nuk po bëjnë “konto” në kampionat.

Në vizitën e Ballshit, Skënderbeu çon te goli edhe Salihin, njeriun që duhet të shërbejë më shumë në Evropë. Olajinka ka gjetur qetësinë e bashkë me të dhe golat dukë qenë sërish referencë në sulm. Partizani ndjek hap pas hapi me Sukajn e rigjetur. Shkodrani shënon 5 në 5, duke merituar rrogën sipas kontratës. Edhe kryeqytetasit triumfojnë në fushë të huaj dhe nëse janë të dytët, kjo për faj të Laçit, që i ndali në nisjen e kampionatit.

Katër skuadra në një pikë formojnë mesin e artë. Aty gjejmë nënkampionët, Laçin ende pa humbje, Teutën e re dhe Tiranën e rikthyer. Të besuarit e Troizisë luajnë në ekstreme dhe nuk dinë të barazojnë. Ndaj Flamurtarit duhej një zëvendësues si Mateus (jo kampioni gjerman), për të ruajtur traditën ndaj Flamurtarit. Tre barazime rradhazi shoqërohen me dy fitore të tilla dhe Cungu i gëzohet pranisë së Xhejmsit në skuadër.

Magani ndjen forcën bardheblu si kundërshtar. Teuta e re nuk reziston dhe Muça i jep një leksion paraardhësit të tij, vetëm pak ditë pas humbjes korçare. Humbësit ishin pesë dhe Vllaznia nuk përbën më lajm. Në Shkodër nuk funksionon asgjë, çka e bën të vështirë një mision “Raineri 2”. Katër humbjet e Bylisit tregojnë se barazimi me Tiranën ishte aksident, ndërsa fitorja e vetme e Tërbunit konfirmon hierarkinë e inferiorëve.

Kategoria Superiore

Java e 5-të

Të shtunën, 26 shtator 2015:

Tërbuni – Partizani               1-2

Shënues: Bicaj 57’(a.g.) / Sukaj 26’, Bicaj 75’

Stadiumi “Ismail Xhemali”, Pukë

Bylis – Skënderbeu              1-4

Shënues: Romaul Seara 85’ / Olajinka 3’, S. Lilaj 55’, Salihi 65’, Latifi 87’

Stadiumi “Adush Muça”, Ballsh

Tirana – Teuta                       2-0

Shënues: Muça 2’, Karan 28’

Stadiumi Kombëtar “Qemal Stafa”, Tiranë

Të dielën, 27 shtator 2015:

Vllaznia – Laçi                       0-1

Shënues: Xhejms Adeniji 43’

Stadiumi “Ismail Xhemali”, Pukë

Kukësi – Flamurtari              1-0

Shënues: Mateus Lima 86’

Stadiumi “Zeqir Ymeri”, Kukës

Renditja

Nr.       Skuadra                     N.        F.         B.        H         Gsh-Gp          Pikë

1. Skënderbeu 5          5          0          0          12-32              15
2. Partizani 5          4          1          0          9-4                13
3. Laçi 5          2          3          0          6-3                9
4. Kukësi 5          3          0          2          6-3                9
5. Teuta 5          3          0          2          6-6                9
6. Tirana 5          2          2          1          6-6                8
7. Flamurtari 5          1          1          3          3-4                4
8. Tërbuni Pukë 5          1          0          4          5-9                3
9. Bylis Ballsh 5          0          1          4          2-11              1
10. Vllaznia 5          0          0          5          1-8                0